ہوم » نیوز » اسپورٹس

یجویندرچہل کا تیسرے ونڈے میں قہر، آسٹریلیا کے خلاف ریکارڈس کا لگا دیا انبار

یجویندرچہل کو اس سیریزکے ابتدائی دومیچوں میں موقع نہیں دیا گیا تھا، لیکن جیسے ہی انہیں موقع ملا انہوں نے خود کو ثابت کرتے ہوئے قہربرپاکردیا۔

  • Share this:
یجویندرچہل کا تیسرے ونڈے میں قہر، آسٹریلیا کے خلاف ریکارڈس کا لگا دیا انبار
یجویندر چہل نے آسٹریلیا کے خلاف کیریئر کی بہترین گیند بازی کرتے ہوئے 6 وکٹ حاصل کئے۔

آسٹریلیا کے خلاف میلبورن میں کھیلے گئے تیسرے اورسیریز کے فائنل ونڈے میچ میں یجویندرچہل نےبہترین گیند بازی کرتے ہوئے 6 وکٹ حاصل کرلئے۔ یجویندرچہل کو اس سیریزکے ابتدائی دومیچوں میں موقع نہیں دیا گیا تھا، لیکن جیسے ہی انہیں موقع ملا انہوں نے خود کوثابت کرتے ہوئے قہربرپاکردیا۔


آسٹریلیا کے خلاف یجویندرچہل کی گیند بازی کودیکھتے ہوئے کرکٹ مداح آج ان کے دیوانے ہوگئے۔ یہ ان کی ونڈے میچوں میں بہترین گیند بازی ہے۔ اس سے قبل انہوں نے جنوبی افریقہ کے خلاف سنچورین میں 22 رن دے کرپانچ وکٹ حاصل کئے تھے۔ اس میچ میں یجویندرچہل کی گیند بازی کارکردگی بہترین رہی۔ انہوں نے 10 اووروں میں 42 رن دے کر6 وکٹ حاصل کئے۔


دلچسپ بات یہ ہے کہ یہ ایم سی جی میں ہندوستانی گیند باز کے ذریعہ سب سے بہترین کارکردگی ہے۔ اس سے قبل اسی میدان پر2004 میں اجیت اگرکرنے 42 رن دے کر6 وکٹ حاصل کئے تھے۔ اس کےعلاوہ کسی اسپنرکا آسٹریلیا کی سرزمین پریہ بہترین گیند بازی کارکردگی ہے۔


یجویندر چہل ٹی -20 اورونڈے میں ایک اننگ میں 6-6 وکٹ حاصل کرنے والے دنیا کے دوسرے گیند بازہیں۔ ان کے علاوہ سری لنکا کے اجنتھا مینڈس نے یہ کارنامہ انجام دیا تھا۔ چہل کے قہرکے سبب آسٹریلیائی ٹیم پورے 50 اووربھی نہیں کھیل پائی اور48.4 اووروں میں 230 رن بناکرآل آوٹ ہوگئی۔ آسٹریلیا کی طرف سے ہینڈس کامب نے سب سے زیادہ 58 رن بنائے۔ ان کے علاوہ مارش نے 39 اورخواجہ نے 34 رن بنائے۔
First published: Jan 18, 2019 12:59 PM IST