ہوم » نیوز » اسپورٹس

ٹی 20 سیریز سے شروع ہوگا ہندوستان کا آسٹریلیائی دورہ

ہندوستانی ٹیم اس دورے میں 11، 14 اور 17 اکتوبر کو تین ٹی -20 میچوں کی سیریز کھیلے گی۔ یہ سیریز آسٹریلیا میں ٹی 20 ورلڈ کپ سے پہلے منعقد ہوگی۔

  • Share this:
ٹی 20 سیریز سے شروع ہوگا ہندوستان کا آسٹریلیائی دورہ
ہندوستان اور سری لنکا کے مابین رواں سال تین ونڈے اور تین ٹی -20 میچوں کی سیریز کورونا وائرس کے خطرہ کی وجہ سے ملتوی کردی گئی ہے۔

میلبورن: ہندوستان کا اس سال آسٹریلیا دورہ اکتوبر میں ٹی -20 سیریز سے شروع ہوگا اور 17 جنوری کو تیسرے اور آخری ون ڈے تک جاری رہے گا۔ کرکٹ آسٹریلیا (سی اے) نے کورونا وائرس وبا کے درمیان 2020-21 سیزن کے اپنے پروگرام کا جمعرات کو اعلان کیا۔ ہندوستانی ٹیم اس دورے میں 11، 14 اور 17 اکتوبر کو تین ٹی -20 میچوں کی سیریز کھیلے گی۔ یہ سیریز آسٹریلیا میں ٹی 20 ورلڈ کپ سے پہلے منعقد ہوگی۔ آسٹریلیا میں ورلڈ کپ 18 اکتوبر سے 15 نومبر تک کھیلا جائے گا۔


ہندوستان دسمبر، جنوری میں آسٹریلیا کے ساتھ 4 ٹیسٹ میچ کھیلےگا جبکہ تین ون ڈے 12، 15 اور 17 جنوری کو کھیلے جائیں گے۔ سی اے نے اس سیزن کے لئے اپنا مکمل پروگرام کا اعلان کیا ہے، جس میں وراٹ کوہلی کی کپتانی والی دنیا کی نمبر ایک ٹیسٹ ٹیم ہندوستان اور آسٹریلیا کے درمیان بارڈرگواسکر ٹرافی کے لئے مقابلہ سب سے زیادہ دلچسپ ہوگا۔ ہندوستان اور آسٹریلیا اس وقت آئی سی سی ٹیسٹ چمپئن شپ میں پہلے دو مقامات پر ہیں۔


سی اے کے سی ای او کیون رابرٹس نے پروگرام کا اعلان کرتے ہوئے کہا کہ پروگرام میں تبدیلی ہو سکتی ہے اور یہ کورونا کی صورتحال اور اس وقت پر حکومت کی ہدایات پر انحصار کرے گا۔ رابرٹس نے ساتھ ہی کہا کہ آسٹریلیا نے کورونا سے لڑنے میں جو کوششیں کی ہیں اس سے وہ پرجوش ہیں۔ رابرٹس نے کہا کہ سی اے سیریز کے لئے بی سی سی آئی کے ساتھ کام کر رہا ہے اور امید ہے کہ اس وقت تک حالات سازگار ہو جائیں گے۔


ہندوستان آسٹریلیا کی زمین پر گلابی گیند سے اپنا پہلا ڈے نائیٹ ٹیسٹ ایڈیلیڈ کے میدان پر کھیلے گا۔
ہندوستان آسٹریلیا کی زمین پر گلابی گیند سے اپنا پہلا ڈے نائیٹ ٹیسٹ ایڈیلیڈ کے میدان پر کھیلے گا۔


ہندوستان آسٹریلیا کے دورے میں دن رات ٹیسٹ ایڈیلیڈ اوول میدان پر کھیلے گا جبکہ پہلا ٹیسٹ برسبین کے گابا میدان پر کھیلا جائے گا۔ تیسرا اور چوتھا ٹیسٹ میلبورن اور سڈنی میں کھیلا جائے گا۔ ٹی- 20 سیریز کے میچ برسبین، کینبرا اور ایڈیلیڈ میں کھیلے جائیں گے جبکہ ون ڈے سیریز کے میچ جنوری میں پرتھ، میلبورن اور سڈنی میں کھیلے جائیں گے۔

ہندوستان آسٹریلیا کی زمین پر گلابی گیند سے اپنا پہلا ڈے نائیٹ ٹیسٹ ایڈیلیڈ کے میدان پر کھیلے گا۔ہندوستان نے اپنا پہلا ڈے نائیٹ ٹیسٹ گزشتہ سال کولکاتا کے ایڈن گارڈن میں بنگلہ دیش کے خلاف کھیلا تھا اور جیتا تھا۔ 4 ٹسٹ میچوں کی سیریز کا پہلا ٹسٹ برسبین میں ہوگا، جہاں میزبان ٹیم 1988 کے بعد ہاری نہیں ہے۔ یہ پروگرام سامنے آنے کے بعد آسٹریلیا میں ایک ہی مقام پر سیریز کے تمام ٹیسٹ کرنے کا امکان ختم ہو گئے ہیں۔ آسٹریلیا اپنے گھریلو سیزن میں ہندستان کے علاوہ افغانستان، زمبابوے، ویسٹ انڈیز اور نیوزی لینڈ کی بھی میزبانی کرے گا۔
First published: May 29, 2020 05:21 PM IST
corona virus btn
corona virus btn
Loading