پاکستان کے عظیم کپتان نےکہا- میں نے مسلمان کھلاڑی کو نکال کرہندوکو موقع دیا

اسلام آباد: سابق تیزگیند بازشعیب اخترنے جب سے پاکستان کےلیگ اسپنردانش کنیریا سے ہونے والے بھید بھاؤ ہونےکی بات کہی ہے، یہ موضوع پاکستان میں سرخیوں میں ہے۔ دانش کنیریا کےموضوع پرپاکستان کےکئی عظیم کھلاڑی اپنا ردعمل ظاہرکررہے ہیں اوراب سابق کپتان انضمام الحق نے بھی اپنی خاموشی توڑی ہے۔ انہوں نےایک بڑا بیان دیتے ہوئےکہا کہ ان کی کپتانی میں کبھی دانش کنیریا کے ساتھ بھید بھاؤ نہیں ہوا۔ ساتھ ہی انضمام الحق نے یہ بھی کہا کہ انہوں نےایک مسلمان کھلاڑی نہیں، بلکہ ہندوکھلاڑی کوکھیلنےکا موقع دیا۔

دانش کنیریا معاملے پرانضام الحق کا بڑا بیان

پاکستانی میڈیا رپورٹس کے مطابق انضمام الحق نےدانش کنیریا سے بھید بھاؤکی بات کوبالکل غلط ٹھہرایا۔ انضمام الحق نے کہا، 'دانش کنیریا نے زیادہ ترکرکٹ میری ہی کپتانی میں کیلا۔ مجھے کبھی نہیں لگا کہ ٹیم میں ان کےساتھ بھید بھاؤہوا ہویا کسی کھلاڑی نے ان کے ساتھ غلط برتاؤکیا ہو'۔ انضمام الحق نے مزید کہا، 'مشتاق احمد میرے بچپن کے دوست تھے، لیکن میں نے ان پردانش کنیریا کوترجیح دی کیونکہ کنیریا ہمارا مستقبل تھے۔ مشتاق احمد کومیری ہی کپتانی میں ٹیم سےہٹایا گیا۔ ایسا کچھ نہیں تھا کہ جوکھلاڑی نمازپڑھتے ہیں، انہیں کھلاڑیوں کوپاکستان کی ٹیم میں جگہ ملتی تھی'۔