ہوم » نیوز » اسپورٹس

IPL 2020: راشد خان کے دیوانے ہوئے سنیل گواسکر، کہا- ہر کپتان اپنی ٹیم میں انہیں رکھنا چاہے گا

موجودہ آئی پی ایل کے تین میچوں میں راشد خان (Rashid Khan) نے 8 وکٹ حاصل کئے ہیں۔ انہوں نے 4.83 کی زبردست اکنامی ریٹ سے وکٹ حاصل کئے۔

  • Share this:
IPL 2020: راشد خان کے دیوانے ہوئے سنیل گواسکر، کہا- ہر کپتان اپنی ٹیم میں انہیں رکھنا چاہے گا
IPL 2020: راشد خان کے دیوانے ہوئے سنیل گواسکر، کہا- ہر کپتان اپنی ٹیم میں انہیں رکھنا چاہے گا

نئی دہلی: ان دنوں آئی پی ایل میں ہر جگہ سن رائزرس حیدرآباد کے لیگ اسپنر راشد خان (Rashid Khan) کی چرچا ہے۔ ایک ایسا گیند باز جو وکٹ لینے اور رن روکنے کی گارنٹی لیتا ہے۔ ان کی 24 گیندیں کپتان ڈیوڈ وارنر کے لئے میچ جیتنے کا سب سے بڑا ہتھیار ہیں۔ جبکہ مخالف ٹیم ان کی ہر گیند کے بعد وکٹ نہ گرنے پر راحت کی سانس لیتی ہے۔ ان کی گیند بازی نے ہر کسی کو دیوانہ بنا دیا۔ ٹیم انڈیا کے سابق کپتان اور کمینٹیٹر سنیل گواسکر (Sunil Gavaskar) بھی راشد خان (Rashid Khan) کے مرید ہوگئے ہیں۔ ان کے مطابق ہر کپتان انہیں اپنی ٹیم میں رکھنا چاہیں گے۔


کمال کے گیند باز ہیں راشد خان


اسٹار اسپورٹس سے بات چیت کرتے ہوئے سنیل گواسکر نے راشد خان کی تعریف کرتے ہوئے کہا، ’اگر آپ کسی کپتان سے یہ پوچھیں گے کہ انہیں ٹیم میں کون سا گیند باز چاہئے تو ہر کوئی راشد خان کا نام لے گا۔ وہ وکٹ لیتا ہے، ڈاٹ بال ڈالتا ہے، ان کی اکنامی ریٹ دیکھئے، وہ کبھی بھی فل ٹاس یا شارٹ بال نہیں ڈالتے ہیں۔ ان کی گگلی کو پڑھنا ہر بلے باز کے لئے مشکل چیلنج ہوتا ہے۔ انہیں اپنی گیندوں پر زبردست کنٹرول رہتا ہے۔ ایسے میں ہر کپتان کہے گا کہ مجھے وہ گیند باز دےدو’۔



زبردست گیند بازی

جمعرات کو کنگس الیون پنجاب کے خلاف سن رائزرس حیدرآباد کے گیند باز راشد خان نے زبردست گیند بازی کی۔ خطرناک نظر آرہے نکولس پورن کا بھی وکٹ انہوں نے ہی لیا۔ راشد خان نے کنگس الیون پنجاب کے خلاف 4 اوور میں صرف 12 رن دے کر 3 وکٹ حاصل کئے۔

آئی پی ایل میں دھمال

موجودہ آئی پی ایل کے تین میچوں میں راشد خان نے 8 وکٹ حاصل کئے ہیں۔ وہ بھی 4.83 کی زبردست اکنامی ریٹ سے۔ ان کا اسٹرائیک ریٹ بھی کمال کا ہے۔ ہر 18 ویں گیند پر وہ وکٹ لے رہے ہیں۔ اس سے پہلے دہلی کیپٹلس کے خلاف انہوں نے صرف 14 رن دے کر 3 وکٹ لئے تھے۔
Published by: Nisar Ahmad
First published: Oct 09, 2020 03:27 PM IST
corona virus btn
corona virus btn
Loading