ہوم » نیوز » اسپورٹس

آئی پی ایل کو یاد کر رہے ہیں سریش رینا، کشمیر کی خوبصورت وادیوں میں کر رہے ہیں ٹریننگ، دیکھیں ویڈیو

چنئی سپرکنگس (Chennai Super Kings) کے اسٹار کھلاڑی سریش رینا (Suresh Raina) اس بار آئی پی ایل میں نہیں کھیلیں گے۔ ذاتی اسباب کے سبب وہ گزشتہ ماہ اچانک ہی متحدہ عرب امارات سے لوٹ آئے تھے، لیکن اب ایسا لگ رہا ہے کہ سریش رینا آئی پی ایل کو مس کر رہے ہیں۔

  • Share this:
آئی پی ایل کو یاد کر رہے ہیں سریش رینا، کشمیر کی خوبصورت وادیوں میں کر رہے ہیں ٹریننگ، دیکھیں ویڈیو
آئی پی ایل کو یاد کر رہے ہیں سریش رینا، کشمیر کی خوبصورت وادیوں میں کر رہے ہیں ٹریننگ

نئی دہلی: چنئی سپرکنگس (Chennai Super Kings) کے اسٹار کھلاڑی سریش رینا (Suresh Raina) اس بار آئی پی ایل میں نہیں کھیلیں گے۔ ذاتی اسباب کے سبب وہ گزشتہ ماہ اچانک ہی متحدہ عرب امارات سے لوٹ آئے تھے، لیکن اب ایسا لگ رہا ہے کہ سریش رینا آئی پی ایل کو مس کر رہے ہیں۔ سریش رینا مسلسل اپنے سوشل میڈیا انکاونٹر پر ویڈیو کر رہے ہیں، جہاں دیکھا جاسکتا ہے کہ وہ مسلسل ٹریننگ کر رہے ہیں۔ ظاہر ہے کہ آئی پی ایل کے کسی اسٹار کھلاڑی کو میدان سے باہر اس ٹورنامنٹ کو دیکھنا بالکل پسند نہیں ہے۔


سریش رینا کی ٹریننگ 


سریش رینا نے اپنے انسٹا گرام اکاونٹ پر ایک ویڈیو پوسٹ کیا، جہاں وہ ٹریننگ کرتے ہوئے دیکھے جاسکتے ہیں۔ خاص بات یہ ہے کہ اس ویڈیو میں کشمیر کی خوبصورت وادیاں نظر آرہی ہیں۔ سریش رینا نے گزشتہ ماہ کرکٹ سے ریٹائرمنٹ لیا تھا۔تاہم میدان سے دور رہ کر بھی وہ اپنی فٹنس میں کوئی کمی نہیں لانا چاہتے ہیں۔


 



 




View this post on Instagram




 

Outdoor training with the best view 😇 #nature #staysafe #blessed #j&k


A post shared by Suresh Raina (@sureshraina3) on






سریش رینا کے کئی ریکارڈ

سریش رینا، چنئی سپرکنگس کے اہم رکن رہے ہیں۔ اس کے علاوہ کپتان دھونی سے ان کی دوستی بھی جگ ظاہر ہے۔ آئی پی ایل میں سب سے زیادہ میچ کھیلنے کا ریکارڈ سریش رینا کے ہی نام ہے۔ انہوں نے آئی پی ایل میں 193 میچ کھیلے ہیں۔ اس کے علاوہ سب سے زیادہ رن بنانے کی دوڑ میں وہ صرف وراٹ کوہلی سے پیچھے ہیں۔ وراٹ کوہلی نے آئی پی ایل میں سب سے زیادہ 5412 رن بنائے ہیں جبکہ سریش رینا کے نام 5368 رن ہیں۔

شری نواسن سے ناراضگی

واضح رہے کہ آئی پی ایل چھوڑ کر آنے سے ٹیم کے مالک این شری نواسن ان سے کافی ناراض ہیں۔ انہوں نے گزشتہ دنوں ایک بیان میں کہا تھا کہ سریش رینا ہوٹل کے کمرے کو لے کر ناراض ہوکر ہندوستان لوٹ آئے ہیں۔ اس کے ساتھ ہی شری نواسن نے کہا کہ کامیابی ان کے سر پر چڑھ گئیہے۔ شری نواسن نے مزید کہا تھا، ’کرکٹرس خود کو کچھ اور سمجھنے لگے ہیں، جیسے گزشتہ زمانے میں نکھرا کرنے والے اداکار ہوتے تھے۔ چنئی سپرکنگس ہمیشہ سے ایک فیملی کی طرح رہی ہے اور سبھی سینئر کرکٹرں نے اس میں رہنا سیکھا ہے۔ میری سوچ ہےکہ اگر آپ کسی بات پر اڑے ہیں یا کسی بات سے ناخوش ہیں، تو واپس جائیے۔ میں کسی کو کچھ کرنے کے لئے دباو نہیں ڈالتا۔ کبھی کبھی کامیابی آپ کے سر پر چڑھ جاتی ہے’۔
Published by: Nisar Ahmad
First published: Sep 18, 2020 02:27 PM IST
corona virus btn
corona virus btn
Loading