علی گڑھ؍وارنسی: اتر پردیش کے دو شہروں علی گڑھ اور وارانسی کے کرکٹ شائقین کے لیے اچھی خبر ہے۔ اس اتوار کو، وہ اپنے متعلقہ شہروں میں بنائے جانے والے ٹاٹا آئی پی ایل فین پارکس میں لائیو میچوں سے لطف اندوز ہو سکیں گے۔ جیو سنیما آئی پی ایل کرکٹ میچوں کی ڈیجیٹل اسٹریمنگ کرے گا۔ بتا دیں کہ جیو سنیما کے پاس آئی پی ایل کے ڈیجیٹل حقوق ہیں۔
علی گڑھ میں آئی پی ایل کا فین پارک نمایش میدان، بنّا دیوی پولیس چوکی، جی ٹی روڈ پر بنایا جائے گا، جبکہ وارانسی میں، کرکٹ کے شائقین فین پارک میں ' کٹنگ میموریل انٹر کالج، ندیسر، چوکا گھاٹ' پر دلچسپ میچ دیکھ سکیں گے۔ اس کے علاوہ ملک بھر میں وڈودرا، کرنول بردھمان، جلگاؤں، کرنال اور تھوتھکوڈی میں بھی آئی پی ایل فین پارک بنائے جا رہے ہیں۔
فین پارک کے دروازے دوپہر 1.30 بجے سے کھلیں گے۔ دوپہر 3:30 بجے چنئی سپر کنگز بمقابلہ پنجاب کنگز اور شام 7:30 بجے ممبئی انڈینز بمقابلہ راجستھان رائلز کے درمیان میچ ہوگا۔

جیوسنیما نے رقم کی تاریخ، چنئی سپر کنگس بنام رائل چیلنجر بنگلور کے میچ کو 2.4 کروڑ سے زیادہ ناظرین نے دیکھا

 
نیتا امبانی نے کہا، ای ایس اے یعنی تعلیم اور کھیل سب بچیوں کیلئے وقف ہے

ٹاٹا آئی پی ایل فین پارک میں داخلہ مفت ہوگا۔ کرکٹ سے محبت کرنے والے جیو سنیما ایپ کے ذریعے بڑی ایل ای ڈی اسکرینوں پر میچوں کا لائیو اسٹریم دیکھ سکیں گے۔ مداحوں کے لیے فین پارک میں فیملی زون، کڈز زون، فوڈ اینڈ بیوریجز اور جیو سینما ایکسپیریئنس زون بنائے جا رہے ہیں۔