ہوم » نیوز » اسپورٹس

پاکستان کےموجودہ کپتان سرفراز احمد کے دفاع میں آگئے جاوید میانداد اوروسیم اکرم

سابق کرکٹروں نے ٹیسٹ سیریزمیں شکست کا ملبہ سرفرازاحمد پرڈالنے کوسراسرزیادتی سے تعبیرکیا جبکہ آفریدی نے سرفرازریٹائرمنٹ لینے کا مشورہ دیا تھا۔

  • UNI
  • Last Updated: Dec 18, 2018 09:07 PM IST
  • Share this:
  • author image
    NEWS18-Urdu
پاکستان کےموجودہ کپتان سرفراز احمد کے دفاع میں آگئے جاوید میانداد اوروسیم اکرم
سرفراز احمد: فائل فوٹو

لاہور: پاکستان کرکٹ ٹیم کے دوسابق کھلاڑیوں جاوید میانداد اوروسیم اکرم نے موجودہ کپتان سرفرازاحمد کا دفاع کرتے ہوئے انہیں ٹسٹ ٹیم کا کپتان برقراررکھنے کا مطالبہ کیا ہے۔ واضح رہے کہ شاہد آفریدی دو دن قبل سرفرازاحمد کوٹسٹ کرکٹ سے ریٹائرمنٹ کا مشورہ دیا تھا۔

سابق کپتان جاوید میانداد نے کہا کہ پاکستان کرکٹ بورڈ (پی سی بی) کوسرفرازاحمد کو قیادت سے فارغ کرنے کی بجائے ایسے کھلاڑیوں سے نجات حاصل کرنے پرغور کرنا چاہئے جو کارکردگی دکھانے میں ناکام رہے ہیں۔ ایک انٹرویو کے دوران جاوید میانداد نے کہا کہ کیویزکے خلاف حالیہ ہوم ٹیسٹ سیریز میں شکست کا ملبہ سرفراز احمد پر ڈالنا سراسر زیادتی ہے اور وہ کپتان کو پیغام دینا چاہتے ہیں کہ انہیں خود پر کسی بھی قسم کا دباؤ نہیں لینا چاہئے۔

سابق کپتان نے کہا کہ سرفراز احمد اس وقت ٹیسٹ کرکٹ ٹیم کی قیادت کیلئے سب سے بہترین اورموزوں آپشن ہیں کیوں کہ انہیں وکٹ کیپنگ کے ساتھ اپنی بیٹنگ پر بھی دسترس حاصل ہے اور ہمیں ان کی بجائے ایسے کھلاڑیوں پر تنقید کرنی چاہئے جو کارکردگی دکھانے میں ناکام ہیں، ٹیم کمبی نیشن کے لئے بھی یہی بہتر ہوگا کہ ایسے کھلاڑیوں کو باہرکردیا جائے۔

سوئنگ کے سلطان وسیم اکرم نے بھی سرفراز احمد کی حمایت کرتے ہوئے کہا کہ جنوبی افریقہ مشکل دورہ ہے اور سرفراز بہت اچھی کپتانی کررہے ہیں، اگر سرفراز نہیں تو کپتان کون بنے گا۔ 


وسیم اکرم نے میڈیا سے گفتگو کرتے ہوئے شاہد آفریدی کے اس بیان سے متعلق سوال پرکہا کہ آپ مجھے نام بتادیں کپتان کون بنے، پیچھے کوئی جاوید میاں داد یا عمران خان بیٹھا ہے تو بنا دیتے ہیں۔ انہوں نے مزید کہا کہ جنوبی افریقہ کا دورہ صرف پاکستان کے لئےنہیں بلکہ ہر ٹیم کے لئے مشکل ہوتا ہے۔ یہاں پتہ لگے گا کہ ہمارے بلے بازوں میں کتنا ہنر ہے۔ میرے خیال میں سرفراز احمد اچھا پرفارم کر رہا ہے۔ واضح رہے کہ سرفراز کی ٹیسٹ کپتانی چھوڑنے کے حوالے سے پچھلے کئی دن سےخبریں گردش کر رہی ہیں، دو روز قبل سابق کپتان شاہد آفریدی نے بھی سرفراز کو ٹیسٹ کرکٹ چھوڑنے کا مشورہ دیا تھا۔
First published: Dec 18, 2018 09:07 PM IST
corona virus btn
corona virus btn
Loading