உங்கள் மாவட்டத்தைத் தேர்வுசெய்க

    ایم آئی کیپ ٹاؤن کے ہیڈ کوچ ہوں گے سائمن کیٹچ، بیٹنگ کوچ کا رول نبھائیں گے ہاشم آملہ

    ایم آئی کیپ ٹاؤن کے ہیڈ کوچ ہوں گے سائمن کیٹچ، بیٹنگ کوچ کا رول نبھائیں گے ہاشم آملہ (Pic Credit: MI)

    ایم آئی کیپ ٹاؤن کے ہیڈ کوچ ہوں گے سائمن کیٹچ، بیٹنگ کوچ کا رول نبھائیں گے ہاشم آملہ (Pic Credit: MI)

    MI Cape Town: ایم آئی کیپ ٹاؤن نے 19 ستمبر کو کیپ ٹاؤن میں ہونے والی SA20 کھلاڑیوں کی نیلامی سے قبل اپنی کوچنگ ٹیم کا اعلان کیا۔ SA20 جنوبی افریقہ کی سب سے بڑی ٹی۔20 کرکٹ لیگ ہے۔

    • News18 Urdu
    • Last Updated :
    • Delhi | Mumbai | Kolkata | Chennai
    • Share this:
      ممبئی : ایم آئی کیپ ٹاؤن نے 19 ستمبر کو کیپ ٹاؤن میں ہونے والی SA20 کھلاڑیوں کی نیلامی سے قبل اپنی کوچنگ ٹیم کا اعلان کیا۔ SA20 جنوبی افریقہ کی سب سے بڑی ٹی۔20 کرکٹ لیگ ہے۔ آسٹریلیا کے سابق بلے باز سائمن کیٹچ ہیڈ کوچ کی ذمہ داریاں سنبھالیں گے جب کہ جنوبی افریقہ کے لیجنڈ ہاشم آملہ بیٹنگ کوچ کے طور پر ٹیم کو جوائن کریں گے۔ سائمن کو کرکٹ کا وسیع تجربہ ہے۔ وہ ایک سلجھے ہوئے کھلاڑی کے طور پر جانے جاتے ہیں۔ ہاشم بین الاقوامی سطح پر اپنی شاندار کارکردگی کے لیے جانے جاتے ہیں۔ ان کے نام تیز ترین 2000، 3000، 4000، 5000 اور 6000 ون ڈے رنز کا ریکارڈ ہے۔

      نیوزی لینڈ کے سابق بلے باز جیمز پیمنٹ فیلڈنگ کوچ کی ذمہ داریاں سنبھالیں گے۔ جنوبی افریقہ کے سابق کھلاڑی اور ہوم کوچ رابن پیٹرسن ٹیم کے جنرل منیجر ہوں گے۔ یہ دونوں کافی عرصے سے ایم آئی سے وابستہ ہیں۔ فی الحال پیمنٹ ممبئی انڈینز کے فیلڈنگ کوچ ہیں۔ پیٹرسن ماضی میں ممبئی انڈینز کے لیے کھیل چکے ہیں۔ ایم آئی کیپ ٹاون کے عہدیدادران کے اعلان کے موقع پر ریلائنس جیو انفوکوم لمیٹڈ کے چیئرمینمسٹر آکاش ایم امبانی نے کہا، "میں سائمن اور ہاشم کو ایم آئی کیپ ٹاؤن کوچنگ ٹیم میں خوش آمدید کہتے ہوئے خوش ہوں۔ جیمز اور رابن کے ساتھ، ہم ایک ایسی ٹیم بنائیں گے جو جنوبی افریقہ میں ترقی کرے گی۔ کرکٹ کا ایم آئی برانڈ تیار کریں گے اور اس کرکٹ سے محبت کرنے والے ملک میںایم آئی اقدار کو آگے بڑھائیں گے۔

       

      یہ بھی پڑھئے: ممبئی انڈینز نے مہیلا جے وردھنے اور ظہیر خان کو سینٹرل ٹیم میں دی جگہ


      مسٹر سائمن کیٹچ، ہیڈ کوچ، ایم آئی کیپ ٹاؤن نے کہا کہ "ایم آئی کیپ ٹاؤن کا ہیڈ کوچ بننا اعزاز کی بات ہے۔ ایک نئی ٹیم کو اکٹھا کرنا، مہارتوں کو نکھارنا اور ٹیم کلچر بنانا ہمیشہ خاص ہوتا ہے۔ میں اس بات کو یقینی بناؤں گا کہایم آئی کیپ ٹاؤن ایک ایسی ٹیم کے طور پرترقی کرے جو مقامی ٹیلنٹ سے بھی فائدہ اٹھائے اور ایم آئیکی بنیادی اقدار کو آگے بڑھائے۔

       

      یہ بھی پڑھئے: سری لنکا کے اس کھلاڑی نے ٹیم میں آنے کیلئے کیا 10 سال انتظار، اب پاکستان کے چھڑائے چھکے


      ہاشم آملہ، بیٹنگ کوچ، ایم آئی کیپ ٹاؤن نے کہا کہ "میں ایم آئی کیپ ٹاؤن کے ساتھ اس اسائنمنٹ پر آنے پر بہت خوش ہوں۔ ایم آئی مالکان، انتظامیہ اور میرے مینیجر کا بہت شکریہ۔ انہوں نے جو منصوبہ بنایا ہے اس سے ایسا لگتا ہے کہ یہ ایک حیرت انگیز پلیٹ فارم بننے والا ہے جو ہمارے مقامی ٹیلنٹ کو راغب کرے گا۔ ایک کھلاڑی اور سرپرست کے طور پر اپنے تجربے کے ساتھ، میں ایم آئی کیپ ٹاؤن کے کھلاڑیوں کی بہترین کارکردگی کا مظاہرہ کرنے اور جنوبی افریقی کرکٹ کو مضبوط بنانے میں مدد کرنے کا منتظر ہوں۔

      ایم آئی کیپ ٹاؤن پہلے ہی 5 کھلاڑیوں۔کاگیسو ربادا، ڈیوالڈ بریوس، راشد خان، سیم کرن اور لیام لیونگ اسٹون کو سائن کرچکی ہے۔
      Published by:Imtiyaz Saqibe
      First published: