پاکستانی ٹیم سے باہر ہونے کے بعد محمد عامر نے کیا مصباح الحق پر طنز، کہہ دی یہ بڑی بات

نئی دہلی: پاکستان کرکٹ میں اس وقت سبھی حیران رہ گئے، جب انگلینڈ دورے کے لئے 35 رکنی ٹیم کا اعلان ہوا اور اس میں تین بڑے میچ ونرس کا نام نہیں تھا۔ بدھ کو منتخب کی گئی ٹیم میں محمد عامر(Mohammad Amir)، شعیب ملک اور اسد شفیق کو سلیکٹرس نے موقع نہیں دیا۔ ٹیم سے باہر ہونے کے بعد محمد عامر نے چیف سلیکٹر اور ہیڈ کوچ مصباح الحق پر طنز کیا ہے۔ محمد عامر سے ایک کھیل صحافی نے سوال کیا کہ وہ پاکستانی ٹیم سے کیوں باہر ہیں؟ اس پر محمد عامر نے کہا کہ اس کا جواب تو صرف مصباح الحق ہی دے سکتے ہیں۔ ویسے مصباح الحق نے انہیں باہر کرنے کی وجہ بھی بتائی۔

مصباح الحق کی دلیل

پاکستان کے چیف کوچ اور سبکدوش ہونے والے چیف سلیکٹر مصباح الحق نے تجربہ کار کھلاڑیوں اسد شفیق، محمد عامر اور شعیب ملک کو نیوزی لینڈ دورے کے لئے نہیں منتخب کئے جانے کا بچاو کرتے ہوئے کہا کہ وہ نوجوان کھلاڑیوں کو موقع دینا چاہتے تھے۔ پاکستان کرکٹ بورڈ کی طرف سے جاری ہوئی پریس ریلیز میں مصباح الحق نے کہا کہ اسد شفیق کو ان کے فارم جبکہ شعیب ملک اور محمد عامر کو اس لئے نظر انداز کیا گیا کیونکہ چیف سلیکٹر ہونہار اور ابھرتے ہوئے کھلاڑیوں کو موقع دینا چاہتے تھے۔



مصباح الحق نے کہا، ’انگلینڈ کا دورہ کرنے والی ٹیم سے تین اہم کھلاڑیوں کو ہٹایا گیا ہے۔ اسد شفیق فارم میں نہیں ہیں’۔ انہوں نے کہا، ’انگلینڈ کے میچ ہمارے لئے اس لئے اہم ہیں کیونکہ ہم اپنی ٹی-20 بین الاقوامی رینکنگ میں سدھار کرنا چاہتے ہیں اور آئی سی سی عالمی ٹسٹ چمپئن شپ میں اہم پوائنٹ بھی حاصل کرنا چاہتے ہیں۔ اسی کے پیش نظر حال کی کارکردگی کو دھیان میں رکھتے ہوئے، ہم نے سب سے بہترین دستیاب کھلاڑیوں کا انتخاب کیا ہے۔



نیوزی لینڈ دورے کے لئے پاکستانی ٹیم