محمد سمیع کے خلاف جہیز اور جنسی ہراسانی کے معاملہ میں چارج شیٹ داخل

ہندوستانی گیندباز محمد سمیع کے خلاف جہیز اور جنسی ہراسانی کے معاملہ میں جمعرات کے روز چارج شیٹ داخل کی گئی ہے۔ سمیع پر آئی پی سی کی دفعہ  498 اے (جہیز ہراسانی) اور 354 اے (جنسی ہراسانی) کے تحت الزامات لگائے گئے ہیں۔ کولکاتہ پولیس نے محمد سمیع کے خلاف چارج شیٹ داخل کی ہے۔
قابل غور ہے کہ گزشتہ سال اپریل میں محمد سمیع کی بیوی حسین جہاں نے مغربی بنگال کی علی پور عدالت میں سمیع اور ان کے گھر والوں کے خلاف جسمانی اور ذہنی طور پر ہراساں کرنے اور شادی کے بعد بھی دوسری خواتین کے ساتھ تعلق رکھنے کی شکایت درج کرائی تھی۔ حالاںکہ، حسین جہاں کے  لگائے تمام الزامات سے محمد سمیع انکار کرتے آئے ہیں۔

A chargesheet has been filed against cricketer Mohammed Shami. He has been charged under IPC 498A (dowry harassment) and 354A (sexual harrasment).
(file pic) pic.twitter.com/6o6sBbtqY8

— ANI (@ANI) March 14, 2019

گزشتہ سال مارچ میں سمیع جنوبی افریقہ کے دورے سے لوٹنے کے بعد ان کا اور ان کی بیوی حسین جہاں کا گھریلو تنازعات عوامی ہوا تھا۔ حسین جہاں نے سمیع پر مارپیٹ، عصمت دری کی کوشش، گھریلو تشدد اور میچ فکسنگ جیسے تمام سنگین الزامات لگائے تھے۔ حسین جہاں نے سمیع پر میچ فکسنگ کا بھی الزام لگایا تھا۔ تاہم، بی سی سی آئی نے جانچ کے بعد فکسنگ کے الزامات سے انہیں کلین چٹ دے دی تھی۔