உங்கள் மாவட்டத்தைத் தேர்வுசெய்க

    PAK vs NED 1st ODI: نیدر لینڈ کے سامنے 314 رن بناکر بھی مشکل سے جیتا پاکستان، فخر زماں نے لگائی سنچری

    فخر زماں نے 109 گیندوں پر 109 رنوں کی اننگ میں 12 چوکے اور ایک چھکا لگایا۔

    فخر زماں نے 109 گیندوں پر 109 رنوں کی اننگ میں 12 چوکے اور ایک چھکا لگایا۔

    Netherlands vs Pakistan 1st ODI: مین آف دی میچ منتخب کئے گئے پاکستانی سلامی بلے باز فخر زماں نے کپتان بابر اعظم کے ساتھ مل کر دوسرے وکٹ کے لئے 168 رنوں کی شراکت کی۔ فخر زماں نے 109 گیندوں پر 109 رن بنانے کے دوران 12 چوکے اور ایک چھکا لگایا۔ وہیں بابر اعظم نے 85 گیندوں پر 74 رنوں کی شاندار اننگ کھیلی۔

    • Share this:
      نئی دہلی: پاکستان نے نیدرلینڈ کے خلاف سیریز کے پہلے ونڈے (NED vs PAK 1st ODI) میں منگل کو 16 رنوں سے جیت درج کی۔ پاکستان نے سلامی بلے باز فخر زماں (109) کی سنچری کی بدولت مقررہ 50 اووروں میں 6 وکٹ پر  314 رن بنائے۔ اس کے بعد نیدر لینڈ نے کپتان اسکاٹ ایڈورڈس کی ناٹ آوٹ نصف سنچری کی بدولت 298 رن بنائے، لیکن ہدف سے پیچھے رہ گیا۔ اس جیت سے پاکستان نے تین میچوں کی اس سیریز میں 1-0 کی سبقت بنالی۔ اب دوسرا ونڈے 18 اگست کو روٹرڈیم کے اسی میدان پر کھیلا جائے گا۔

      پاکستان کے کپتان بابر اعظم نے ٹاس جیت کر پہلے بلے بازی کرنے کا فیصلہ کیا۔ مہمان ٹیم کو شروعاتی جھٹکا 10 رن کے ٹیم اسکور پر لگا، جب امام الحق (2) کو کنگما نے ایل بی ڈبلیو آوٹ کردیا۔ اس کے بعد فخر زماں اور بابر اعظم نے مل کر دوسرے وکٹ کے لئے 168 رنوں کی شراکت کی۔ بابر اعظم نے 85 گیندوں پر 74 رنوں کی اپنی اننگ میں 6 چوکے اور ایک چھکا لگایا۔ وہیں، فخر زماں نے 109 گیندوں پر 109 رن بنانے کے دوران 12 چوکے اور ایک چھکا لگایا۔ فخر زماں کو ’مین آف دی میچ‘ بھی منتخب کیا گیا۔

      یہ بھی پڑھیں۔

      Asia Cup 2022: سابق پاکستانی کپتان نے ہندوستان کو بتایا خطاب کا مضبوط دعویدار، VIDEO میں بتائی وجہ

      شاداب خان 48 رن بناکر ناٹ آوٹ لوٹے۔ انہوں نے 28 گیندوں کی اپنی طوفانی اننگ میں چار چوکے اور دو چھکے لگائے۔ آغا سلمان نے 16 گیندوں پر تین چوکوں کی مدد سے ناٹ آوٹ 27 رنوں کا تعاون دیا۔ نیدر لینڈ کے لئے بیس ڈی لیڈ اور وین بیک نے 2-2 وکٹ کے لئے جبکہ کنگما کو ایک وکٹ ملا۔

      یہ بھی پڑھیں۔

      چتیشور پجارا اب وراٹ کوہلی اور بابر اعظم کے برابر پہنچے، جلد دودنوں کو چھوڑ سکتے ہیں پیچھے

      315 رنوں کے ہدف کا تعاقب کرنے اترے نیدر لینڈ کی شروعات اچھی نہیں رہی اور اس کے تین وکٹ 62 رن تک گر گئے۔ سلامی بلے باز وکرم جیت سنگھ (65) ایک اینڈ پر ڈٹے رہے اور انہوں نے ٹام کوپر (65) کے ساتھ چوتھے وکٹ کے لئے 97 رن جوڑے۔ ٹام کوپر نے 54 گیندوں پر 6 چوکے اور 2 چھکے لگائے جبکہ وکرم جیت نے 98 گیندوں کی اپنی صبر کے ساتھ کھیلی گئی اننگ میں 5 چوکے لگائے۔

      اس کے بعد کپتان اسکاٹ ایڈورڈس نے ٹیم کو ہدف تک پہنچانے کے لئے پوری کوشش کی۔ حالانکہ ٹیم 300 کے اعدادوشمار کو پار نہیں کرپائی۔ اسکاٹ ایڈورڈس 60 گیندوں پر 6 چوکے اور ایک چھکے کی مدد سے 71 رن بناکر ناٹ آوٹ لوٹے۔ پاکستان کے لئے حارث روف اور نسیم شاہ نے 3-3 وکٹ حاصل کئے جبکہ محمد وسیم جونیئر اور محمد نواز کو 1-1 وکٹ ملا۔
      Published by:Nisar Ahmad
      First published: