بی جے پی کے دباو میں مسلم ہونےکےسبب محمد شمی کو ٹیم انڈیا سےکیا گیا باہر، پاکستان کرکٹ ایکسپرٹ کا الزام

آئی سی سی عالمی کپ 2019 میں پاکستان کی ٹیم نے خراب کارکردگی کی، جس کی وجہ سے وہ سیمی فائنل میں جگہ نہیں بنا پائی۔ پاکستان کی خراب کارکردگی کے دوران وہاں کے کرکٹ ایکسپرٹ نے کئی عجیب وغریب بیانات دیئے، جس کی وجہ سے مداحوں نے ان کا مذاق بنایا۔ پاکستان کی ٹیم اب اپنے وطن لوٹ چکی ہے، لیکن اس کےکرکٹ ایکسپرٹ اپنی زبان بند کرنے کا نام ہی نہیں لے رہے ہیں۔

پاکستان کے ایک کرکٹ ایکسپرٹ اب ہندوستانی ٹیم پرتبصرہ کررہے ہیں۔ اتوار کو پاکستان کے ایک کرکٹ ایکسپرٹ نے ایک اسپورٹس شو میں الزام لگاتے ہوئے کہا کہ سری لنکا کے خلاف محمد شمی کو جان بوجھ کرپلیئنگ الیون سے باہرکیا گیا۔ پاکستانی کرکٹ ایکسپرٹ نے الزام لگایا کہ 'محمد شمی شاندارکارکردگی کا مظاہرہ کررہے تھے، وہ 15 وکٹ لے چکے تھے، لیکن انہیں مسلم ہونے کے سبب پلیئنگ الیون سے باہرکردیا گیا۔ اس کے پیچھے بی جے پی کا ہاتھ ہوسکتا ہے'۔

"Mohammad Shami was left out of the team against Sri Lanka because the BJP doesn't want Muslims to do well" 🙄 😮 #CWC19 (clip courtesy Aaj news) pic.twitter.com/11AkNmw5au

— Saj Sadiq (@Saj_PakPassion) July 7, 2019

آپ کو بتادیں کہ ہفتہ کے روز ٹیم انڈیا نے سری لنکا کے خلاف محمد شمی کوآرام دے کر رویندرجڈیجہ کوموقع دیا تھا۔ اس عالمی کپ میں رویندرجڈیجہ کو پہلی بارکھیلنے کا موقع ملا تھا۔ سری لنکا کے خلاف ہندوستانی ٹیم نے دو تبدیلیاں کی تھیں۔ یجویندرچہل کی جگہ کلدیپ یادوکوٹیم میں شامل کیا گیا تھا جبکہ محمد شمی کی جگہ رویندرجڈیجہ کوموقع دیا گیا تھا۔



ہندوستانی ٹیم نے لیڈس کی پچ کو دیکھتے ہوئے یہ فیصلہ لیا تھا۔ دراصل لیڈس کی پچ اسپنروں کے لئےمفید تھی، اس لئے ٹیم انڈیا نے محمد شمی کی جگہ رویندرجڈیجہ کوعالمی کپ میں پہلی بارموقع دیا۔ محمد شمی نےعالمی کپ میں اب تک چارمیچ کھیلے ہیں اورانہوں نے15 وکٹ حاصل کئے ہیں۔