உங்கள் மாவட்டத்தைத் தேர்வுசெய்க

    Asia Cup 2022: پاکستان بڑی جیت کے ساتھ سپر-4 میں داخل، 4 کو پھر ہوگا ٹیم انڈیا سے مقابلہ

    PAK vs HK: پاکستان بڑی جیت کے ساتھ سپر-4 میں داخل

    PAK vs HK: پاکستان بڑی جیت کے ساتھ سپر-4 میں داخل

    Asia Cup 2022: پاکستانی ٹیم (Pakistan) نے ٹی20 ایشیا کپ کے سپر-4 میں جگہ یقینی بنالی ہے۔ ٹیم نے گروپ راونڈ کے ایک مقابلے میں (PAK vs HK) ہانگ کانگ کو 155 رنوں سے ہرایا۔ محمد رضوان اور فخر زماں نے نصف سنچری لگائی۔

    • News18 Urdu
    • Last Updated :
    • Delhi, India
    • Share this:
      شارجہ: بابر اعظم (Babar Azam) کی قیادت میں پاکستان نے سپر-4 میں جگہ بنا لی ہے۔ ٹورنا منٹ کے (Asia Cup 2022) گروپ راونڈ کے آخری میچ میں پاکستان نے جمعہ کے روز ہانگ کانگ کو 155 رن سے روند دیا۔ یہ ٹیم کی رنوں کے لحاظ سے سب سے بڑی جیت ہے۔ میچ میں پاکستان نے پہلے کھیلتے ہوئے 2 وکٹ پر 193 رنوں کا ہمالیائی اسکور بنایا تھام محمد رضوان نے ناٹ آوٹ 78 رن بنائے۔ اس کے علاوہ فخر زماں نے بھی نصف سنچری لگائی۔ جواب میں ہانگ کانگ کی ٹیم 10.4 اوور میں 38 رن بناکر آل آوٹ ہوگئی۔ یہ ٹیم کا سب سے کم اسکور ہے۔ محمد نواز نے 3 جبکہ شاداب خان نے 4 وکٹ حاصل کئے۔ اب سپر-4 میں اتوار 4 ستمبر کو ایک بار پھر ہندوستان اور پاکستان کی ٹیمیں آمنے سامنے ہوں گی۔ گروپ راونڈ میں ہندوستان نے پاکستان کو 5 وکٹ سے شکست دی تھی۔

      ہدف کا تعاقب کرنے اتری ہانگ کانگ کی ٹیم شروعات سے ہی لڑکھڑا گئی تھی۔ ٹیم کا کوئی بلے باز دہائی کے اعدادوشمار تک نہیں پہنچ سکا۔ کپتان نزاکت خان نے سب سے زیادہ 8 رن بنائے۔ ٹیم کے 5 وکٹ 30 رن پر ہی گر گئے تھے۔ 10 اوور کے بعد اسکور 8 وکٹ پر 38 رن تھا۔ پہلے 2 وکٹ تیز گیند باز نسیم شاہ کو ملے۔ اس کے بعد بائیں ہاتھ کے اسپنر محمد نواز نے کمال کی گیند بازی کی۔ لیگ اسپنر شاداب خان کو 4 وکٹ ملا۔

      یہ بھی پڑھیں۔

      Asia Cup 2022: پاکستان نے ہندوستان سے نہیں لی نصیحت، بابراعظم کے لئے یہ فیصلہ ثابت ہوسکتا ہے مہنگا

      یہ بھی پڑھیں۔

      Asia Cup 2022: ٹیم انڈیا کو لگا بڑا جھٹکا، رویندر جڈیجہ ایشیا کپ سے باہر، اب اس کھلاڑی کو ملا موقع

      پہلے 10 اوور میں بنائے 64 رن

      اس سے پہلے محمد رضوان کے 57 گیندوں میں 78 رنوں کی مدد سے پاکستان نے سست شروعات سے ابھرکر 2 وکٹ پر 193 رن بنائے۔ ہانگ کانگ کے گیند بازوں نے جس طرح ہندوستانی بلے بازوں کو دباو میں لا دیا تھا۔ اسی طرح پاکستان کو اچھی شروعات نہیں کرنے دی۔ محمد رضوان اور فخر زماں کے لئے چوکے چھکے لگانا مشکل ہوگیا تھا۔ پاکستان نے پہلے 10 اوور میں ایک وکٹ پر 64 رن بنائے۔ فخر زماں نے 41 گیندوں میں 53 رن بنائے جبکہ خوش دل شاہ نے آخر میں 15 گیندوں میں 35 رن بناکر پاکستان کے لئے مضبوط اسکور بنایا۔

      پاکستانی کپتان بابر اعظم ہوئے ناکام

      پاکستانی کپتان بابر اعظم ایک بار پھر ناکام رہے اور 9 رن بناکر پویلین لوٹ گئے۔ رن رفتار کو بڑھانے کے چکر میں انہوں نے آف اسپنر احسان خان کی گیند پر ہوا میں شاٹ کھیلا اور گیند باز نے اپنے داہنی طرف ڈائیو لگاکر کیچ پکڑا۔ محمد رضوان نے پہلا چوکا پانچویں اوور میں تیز گیند باز آیوش شکلا پر لگایا۔ پاکستانی اننگ کا پہلا چھکا 11ویں اوور میں محمد رضوان نے لیگ اسپنر محمد غضنفر کو لگایا۔ فخر زماں نے اسپنروں کو 2 چھکے لگاکر رن رفتار کو بڑھایا۔ گرمی اور امس سے جدوجہدک ر رہے محمد رضوان نے نصف سنطری لگانے کے بعد تیز کھیلنا شروع کیا۔
      Published by:Nisar Ahmad
      First published: