ہوم » نیوز » اسپورٹس

Mohammad Amir Retirement: محمد عامر کے ریٹائرمنٹ سے ٹوٹا مداحوں کا دل، پاکستان نے کہا- بہت یاد آو گے

محمد عامر (Mohammad Amir) نے پی سی بی اور ٹیم منیجمنٹ سے پریشان ہوکر جمعرات دوپہر انٹرنیشنل کرکٹ سے ریٹائرمنٹ لے لیا۔

  • Share this:
Mohammad Amir Retirement: محمد عامر کے ریٹائرمنٹ سے ٹوٹا مداحوں کا دل، پاکستان نے کہا- بہت یاد آو گے
محمد عامر کے ریٹائرمنٹ سے ٹوٹا مداحوں کا دل، پاکستان نے کہا- بہت یاد آو گے

نئی دہلی: پاکستان کے بائیں ہاتھ کے تیز گیند باز اور دنیا کے سب سے بہترین گیند بازوں میں سے ایک محمد عامر (Mohammad Amir Retirement) نے جمعرات کو اچانک ریٹائرمنٹ لے لیا۔ محمد عامر کے اس فیصلے نے پوری دنیا کے کرکٹ مداحوں کو حیران کردیا۔ محض 28 سال کی عمر میں انٹرنیشنل کرکٹ کو الوداع کہنے والے محمد عامر نے پاکستان کے لئے 119 ٹسٹ وکٹ، 81 ونڈے وکٹ اور 59 ٹی -20 وکٹ حاصل کئے۔ محمد عامر نے پاکستان کے لئے 36 ٹسٹ، 61 ونڈے اور 50 ٹی -20 میچ کھیلے۔ محمد عامر کے ریٹائر منٹ لینے کی وجہ پاکستان کرکٹ بورڈ اور نئی ٹیم منیجمنٹ کی سوچ ہے۔ محمد عامر کے مطابق، انہوں نے نئے ٹیم منیجمنٹ سے تنگ آکر ریٹائرمنٹ لے لیا ہے۔ عامر کے اس فیصلے نے لاکھوں پاکستانی مداحوں کا دل توڑ دیا۔




محمد عامر کے ریٹائرمنٹ سے پاکستانی مداح مایوس

محمد عامر نے جیسے ہی انٹرنیشنل کرکٹ کو الوداع کہا، سوشل میڈیا پر مداح اپنی مایوسی کا اظہار کرنے لگے۔ خاص طور پر پاکستانی مداح بے حد مایوس نظر آئے۔ کئی مداحوں نے ان کی ڈیتھ بالنگ اور میچ کو پلٹنے کی دم خم کو یاد کیا۔ مداحوں نے محمد عامر کے اس فیصلے کو واپس لینے کا مطالبہ کیا۔ ساتھ ہی کچھ مداحوں نے اس کے لئے سیدھے طور پر پی سی بی کو قصوروار بتایا۔





محمد عامر کو پاکستانی ٹیم سے باہر کیا گیا تھا

واضح رہے کہ محمد عامر کو پاکستانی ٹیم نے نیوزی لینڈ دورے کے لئے نہیں منتخب کیا۔ اس کے پیچھے کوئی پختہ وجہ بھی نہیں دی گئی۔ محمد عامر سے گزشتہ سال سے ہی ٹیم منیجمنٹ ناراض چل رہا تھا۔ دراصل، محمد عامر نے جولائی 2019 میں آسٹریلیا دورے سے پہلے ٹسٹ کرکٹ سے ریٹائرمنٹ لے لیا تھا، جس کے بعد انہیں گیند بازی کوچ وقار یونس نے دھوکے باز تک کہہ دیا تھا۔ ٹسٹ ریٹائرمنٹ سے ہی محمد عامر ٹیم کے نشانے پر دکھائی دے رہے تھے اور آخر کار اب انہوں نے انٹرنیشنل کرکٹ کو ہی الوداع کہہ دیا۔
Published by: Nisar Ahmad
First published: Dec 17, 2020 05:51 PM IST