اپنا ضلع منتخب کریں۔

    ہندوستان کی ہار پر پاکستان کے وزیراعظم شہباز شریف نے کیا طنز، لکھا 152/0 بنام 170/0

    ہندوستان کی ہار پر پاکستان کے وزیراعظم شہباز شریف نے کیا طنز

    ہندوستان کی ہار پر پاکستان کے وزیراعظم شہباز شریف نے کیا طنز

    پاکستان کے وزیراعظم شہباز شریف نے اپنے ٹوئٹ میں ہندوستان کی انہی دونوں ہار کا اشاروں میں ذکر کیا ہے۔ اس کے ذریعے انہوں نے گزشتہ سال پاکستان سے ملی ہار اور اس سال انگلینڈ سے ملی ہار پر اشاروں میں طنز کیا ہے۔

    • News18 Urdu
    • Last Updated :
    • Islamabad
    • Share this:
      آسٹریلیا میں جاری ٹی 20 ورلڈ کپ 2022 کے سیمی فائنل میں انگلینڈ سے 10 وکٹوں سے ہارنے کے بعد ہندوستان کی ورلڈ کپ جیتنے کی امیدیں ختم ہوگئی ہیں۔ 169 رنوں کا تعاقب کرتے ہوئے انگلینڈ کے اوپنرس ایلکس ہیلس اور جوس بٹلر نے چار اوور باقی رہتے ہوئے 170 رن بنا کر ہدف حاصل کرلیا۔ اب فائنل میں انگلینڈ کا سامنا اتوار کو پاکستان سے ہوگا۔ وہیں ہندوستان کی ہار پر پاکستان کے وزیراعظم شبہباز شریف نے ٹیم انڈیا پر طنز کیا ہے۔

      شہباز شریف نے گزشتہ سال ہوئے ورلڈ کپ میں ہندوستان کے خلاف پاکستان کی 10 وکٹوں سے جیت کا ذکر کرتے ہوئے ٹوئٹ کیا کہ اس اتوار یہ ہے: 152/0 بنام 170/0۔۔۔

      بتادیں کہ گزشتہ سال ٹی20 ورلڈ کپ میں ہندوستان کی پاکستان کے ہاتھوں 10 وکٹوں سے شرمناک ہار کے بعد کافی فضیحت ہوئی تھی۔ ٹاس ہا کر پہلے بلے بازی کرتے ہوئے ٹیم انڈیا نے سات وکٹ کے نقصان پر 151 رن بنائے تھے۔ جواب میں پاکستان نے 13 گیند باقی رہتے ہی یہ میچ اپنے نام کرلیا تھا۔ 29 سال کی ورلڈ کپ تاریخ میں پاکستان نے پہلی مرتبہ ہندوستان کو شرمناک طریقے سے ہرایا تھا۔

      حالانکہ، اس سال ٹی20 ورلڈ کپ میں ہندوستان سے پاکستان کراری ہار جھیل چکا ہے۔ دونوں ملکوں کے شائقین کو اپنے روایتی حریف کے ساتھ فائنل میں ایک اور مقابلے کا بے صبری سے انتطار تھا لیکن انگلینڈ نے ہندوستان کا جیت کا قافلہ روک دیا۔ اس سے پہلے ہندوستان نے 2007 میں پہلا ٹی 20 ورلڈ کپ جیتا تھا ، اس وقت مہندر سنگھ دھونی ٹیم کے کپتان تھے۔

      یہ بھی پڑھیں:
      ہندوستان کی ہار پر پاکستان کے وزیر اعظم نے کیا طنز، تو پاکستانیوں نے کہا : ملک پر دھیان دو

      یہ بھی پڑھیں:
      T20 World Cup: ورلڈ کپ کا خواب ٹوٹا، جانئے روہت شرما نے ہار کیلئے کس کو ٹھہرایا ذمہ دار

      بہرحال، پاکستان کے وزیراعظم شہباز شریف نے اپنے ٹوئٹ میں ہندوستان کی انہی دونوں ہار کا اشاروں میں ذکر کیا ہے۔ اس کے ذریعے انہوں نے گزشتہ سال پاکستان سے ملی ہار اور اس سال انگلینڈ سے ملی ہار پر اشاروں میں طنز کیا ہے۔
      Published by:Shaik Khaleel Farhaad
      First published: