رشبھ پنت کے حادثے کے پیچھے کی بڑی وجہ ہائی وے پر بنے گڑھے، DDCA افسروں کا دعویٰ، NHAI نے کروائی مرمت

ہندوستانی کرکٹ ٹیم کے اسٹار کھلاڑی رشبھ پنت کی کار کا ایکسیڈنٹ گزشتہ جمعہ کی صبح ہوگیا تھا، اس حادثے کے بعد اب تازہ دعویٰ کیا گیا ہے کہ ایکسیڈنٹ کی وجہ ان کا نیند کی جھپکی لینا نہیں تھا۔ دعویٰ کیا جارہا ہے کہ ان کی کار ایکسیڈنٹ کی بڑی وجہ ہائی وے پر بنا گڑھا رہا تھا۔ گڑھے سے بچنے کے چکر میں ان کی گاڑی ڈیوائیڈر سے ٹکراگئی تھی۔ ایسا دعویٰ سامنے آنے کے بعد نیشنل ہائی ویز اتھارٹی آف انڈیا (این ایچ اے آئی) نے مبینہ طور پر اتوار کے اوائل میں جائے حادثہ کے قریب گڑھے بھر دیے۔ اس حادثے میں کرکٹر رشبھ پنت بال بال بچ گئے۔

انڈین ایکسپریس میں شائع رپورٹ کے مطابق دہلی اور ڈسٹرکٹ کرکٹ ایسوسی ایشن (ڈی ڈی سی اے)  کے عہدیداروں نے ہفتہ کو بلے باز رشبھ پنت سے ملاقات کی تھی۔ ڈی ڈی سی اے کے عہدیداروں نے بھی گڑھے کا ذکر کیا تھا۔ اس کے بعد کل اتوار کو اتراکھنڈ کے وزیراعلیٰ پشکر سنگھ دھامی نے بھی زخمی رشبھ پنت سے ملاقات کی تھی۔ دعویٰ کیا گیا کہ پنت نے سی ایم دھامی کو گڑھوں کے بارے میں جانکاری دی تھی۔

سی ایم دھامی نے اسپتال میں کرکٹر سے ملاقات کرنے کے بعد صحافیوں کو بتایا کہ انہوں (پنت) نے کہا کہ ڈرائیونگ کے وقت ان کے سامنے ایک گڑھا یا کچھ اندھیرا تھا۔ اس سے بچنے کی کوشش میں ان کا گاڑی سے توازن کھوگیا تھا۔ اس دعوے کے بعد اتوار علی الصبح کچھ ملازمین جائے حادثہ پر گڑھے کو بھرتے دیکھے گئے۔

یہ بھی پڑھیں:
Rishabh Pant Latest Health Update: علاج کاہورہاہےاثر،روہت شرما نےڈاکٹروں سےبھی کی بات

یہ بھی پڑھیں:

اس واقعہ کے بعد پولیس کے اعلیٰ افسروں نے بھی دعویٰ کیا تھا کہ گاڑی چلاتے وقت ان کو جھپکی آگئی تھی اور کرکٹ رشبھ پنت کی گاڑی کا کنٹرول کھو گیا تھا جس کی وجہ سے یہ حادثہ ہوا۔  دریں اثنا، سی ایم دھامی نے کہا کہ پنت کی حالت اب کافی بہتر ہے اور ان کے خاندان کے لوگ علاج سے مطمئن ہیں۔