رشبھ پنت کو آئی سی یو سے باہر منتقل کیا گیا، انفیکشن کے پھیلاؤ سے بچانا اہم مقصد، ڈی ڈی سی اے چیف شیام شرما

رشبھ پنت (Rishabh Pant) کو آئی سی یو سے باہر ایک پرائیویٹ سویٹ میں منتقل کر دیا گیا ہے۔ پنت کو ایک سنگین کار حادثے کے بعد میکس دہرادون میں داخل کیے ہوئے 72 گھنٹے سے زیادہ کا عرصہ گزر چکا ہے جس میں وہ شدید زخمی ہوئے تھے۔ تاہم ڈاکٹروں نے تصدیق کی ہے کہ کوئی فریکچر نہیں ہے۔ زیادہ امکان اس بات کا ہے کہ وہ اب سے کم از کم چھ ماہ تک کسی بھی لائیو میچ میں دکھائی نہیں دیں گے۔

ڈی ڈی سی اے کے سربراہ شیام شرما نے بتایا کہ قبل ازیں انہیں روڑکی کے سکشم سپر اسپیشلٹی اسپتال لے جایا گیا جہاں سے انہیں میکس منتقل کیا گیا جہاں انہیں آئی سی یو میں رکھا گیا۔ اب انھیں باہر منتقل کر دیا گیا ہے کیونکہ پہلے خطرہ تھا۔ انفیکشن کے خوف کی وجہ سے ہم نے ان کے خاندان اور اسپتال انتظامیہ سے کہا ہے کہ وہ اسے پرائیویٹ سویٹ میں منتقل کر دیں۔ وہ بہتر ہیں اور جلد صحت یاب ہو جائیں گے۔

شرما نے ہفتے کے روز کرکٹر رشبھ پنت کی ایک جھلک دیکھنے کے لئے اسپتال آنے والے شائقین پر تشویش کا اظہار بھی کیا، جس کی وجہ سے انتظامیہ کو مشکلات کا سامنا کرنا پڑ رہا ہے۔ جہاں پنت زیر علاج ہیں۔ شرما نے بتایا کہ جو لوگ پنت سے ملنے جا رہے ہیں انہیں اس سے بچنا چاہئے، کیونکہ انفیکشن کے امکانات ہیں۔ پنت سے ملنے کے لیے کوئی وی آئی پی موومنٹ نہیں ہونی چاہیے اور ان سے ملنے آنے والے لوگوں کو اس سے گریز کرنا چاہیے۔

یہ بھی پڑھیں: رشبھ پنت کے حادثے کے پیچھے کی بڑی وجہ ہائی وے پر بنے گڑھے، DDCA افسروں کا دعویٰ، NHAI نے کروائی مرمت

شیام شرما ہفتہ کو پنت سے ملنے دہرادون کے میکس اسپتال پہنچے۔ شرما نے کہا کہ وہ مستحکم ہے اور ٹھیک ہو رہے ہیں۔ ہمارے بی سی سی آئی کے ڈاکٹر یہاں کے ڈاکٹروں سے رابطے میں ہیں۔ جے شاہ اس کی نگرانی کر رہے ہیں۔ ابھی تک وہ یہاں داخل رہے گا، ان کی بہتر سے بہتر نگرانی اور علاج کیا جائے گا۔

یہ بھی پڑھیں: Rishabh Pant Latest Health Update: علاج کاہورہاہےاثر،روہت شرما نےڈاکٹروں سےبھی کی بات

دریں اثنا اتراکھنڈ کے وزیر اعلیٰ پشکر سنگھ دھامی نے اتوار کو اعلان کیا کہ ریاستی حکومت 25 سالہ نوجوان رشبھ پنت کے علاج کے لیے ہر طرح کی مدد فراہم کریں گے۔ اس سے قبل ان کے اہل خانہ نے شکایت کی تھی کہ مہمانوں کی ایک قطار کا مطلب یہ تھا کہ پنت کو مناسب آرام نہیں مل رہا ہے۔