உங்கள் மாவட்டத்தைத் தேர்வுசெய்க

    Nikhat Zareen: حیدرآباد میں عالمی باکسنگ چیمپئن نکہت زرین کا شاندار استقبال، یہ ہیں مناظر

    نکہت زرین

    نکہت زرین

    نکہت نے کہا کہ میں عالمی چیمپئن شپ کا تمغہ جیت کر بہت خوش ہوں۔ میرا اگلا ہدف ملک کے لیے کامن ویلتھ گیمز میں تمغہ جیتنا ہے۔ میرا فوکس خواب پیرس اولمپکس میں اولمپک میڈل جیتنا ہے۔

    • Share this:
      حیدرآباد: 52 کلوگرام زمرے میں نئی ​​عالمی باکسنگ چیمپیئن نکہت زرین (Nikhat Zareen) کا آج یعنی 27 مئی 2022 بروز جمعہ کو حیدرآباد کے راجیو گاندھی بین الاقوامی ہوائی اڈے پر شاندار استقبال کیا گیا۔ اس موقع پر وزیر کھیل وی سری نواس گوڈ، تلنگانہ اسٹیٹ کے اسپورٹس اتھارٹی (ایس اے ٹی ایس) کے چیئرمین اے وینکٹیشور ریڈی اور دیگر ایسوسی ایشن کے ذمہ داران موجود تھے۔

      عہدیداروں نے ایرپورٹ پر تلنگانہ کی دیگر لڑکیوں ایشا سنگھ اور نظام آباد فٹ بال گگولوتھ سومیا کا بھی استقبال کیا۔ جہاں ایشا نے جرمنی میں آئی ایس ایس ایف جونیئر ورلڈ کپ میں ٹیم ایونٹس میں تین گولڈ میڈل جیتے، سومیا نے گوکلم کیرالہ ویمن ٹیم کے ساتھ انڈین ویمن لیگ چیمپئن شپ جیتی۔

      ان تینوں کا استقبال اہلکاروں کے میزبان نے کیا اور ہوائی اڈے سے ایک اوپن ٹاپ جیپ پر پریڈ کرائی گئی۔ بعد ازاں سری نواس گوڑ نے تینوں کھلاڑیوں کو مبارکباد دی۔ انھوں نے کہا کہ نظام آباد کے ایک متوسط ​​گھرانے سے تعلق رکھنے والی نکہت زرین پورے ملک کے لیے ایک تحریک بن گئی ہیں۔ جنوبی ہند سے کوئی بھی یہ کارنامہ انجام نہیں دے سکا۔ نکھت عالمی چیمپئن بن چکی ہے۔ ہمیں امید ہے کہ وہ ملک کے لیے اولمپک تمغہ جیتے گی۔ نکہت کے والدین کو بھی مبارک ہو۔

      مزید پڑھیں: آرین خان کو ڈرگس معاملے میں کلین چٹ، تو انہیں گرفتار کرنے والے سمیر وانکھیڑے کی مشکلات میں اضافہ

      انہوں نے یہ بھی انکشاف کیا کہ ریاستی حکومت کھلاڑیوں کی بڑے پیمانے پر مدد کر رہی ہے اور کھیل کو فروغ دینے کے لیے تمام اضلاع میں منی اسٹیڈیم تعمیر کرنے کا منصوبہ بنایا ہے۔ دریں اثنا نکہت نے حکومت تلنگانہ کا شکریہ ادا کیا کہ وہ ان کے لیے مسلسل تعاون کریں۔

      مزید پڑھیں: Modi@8:پی ایم مودی نے 8 سالوں میں بڑھائی عوام کی شراکت داری

      نکہت نے کہا کہ میں عالمی چیمپئن شپ کا تمغہ جیت کر بہت خوش ہوں۔ میرا اگلا ہدف ملک کے لیے کامن ویلتھ گیمز میں تمغہ جیتنا ہے۔ میرا فوکس خواب پیرس اولمپکس میں اولمپک میڈل جیتنا ہے۔
      Published by:Mohammad Rahman Pasha
      First published: