ہندوستان کےبہادربیٹے ابھینندن کو دیکھ کرسچن تندولکرکے رونگٹے کھڑے ہوگئے، کہی یہ بڑی بات
ہندوستانی عظیم کرکٹرسچن تندولکرپیرکے روزایئرفورس ڈے کےموقع پراترپردیش کے ہنڈن ایئر فورس بیس پہنچے۔ سچن تندولکرکوسال 2010 میں ایئرفورس میں گروپ کیپٹن کی رینک دی گئی تھی۔
- News18 Urdu
- Last Updated: Oct 09, 2019 09:23 PM IST
- Share this:
ہندوستان کےبہادربیٹے ابھینندن کو دیکھ کرسچن تندولکرکے رونگٹے کھڑے ہوگئے
غازی آباد: ہندوستانی عظیم کرکٹر سچن تندولکرپیرکو ایئرفورس ڈے کے موقع پراترپردیش کے ہنڈن ایئرفورس بیس پہنچے۔ سچن تندولکرکو سال 2010 میں ایئرفورس میں گروپ کیپٹن کی رینک دی گئی تھی۔ اسی وجہ سے وہ وقت وقت پرایئرفورس کے خاص مواقع پرپروگراموں میں شامل ہوتے نظرآتے ہیں۔ پیرکو ہنڈن میں ہوئے اس پروگرام میں سچن تندولکرنے ایک خاص پریڈ دیکھی، جسے دیکھ کران کے رونگٹے کھڑے ہوگئے، انہوں نے اس بارے میں ٹوئٹرپراپنے مداحوں کوبتایا۔
سچن تندولکرنے ٹوئٹرپرپروگرام میں ہوئے ایئرشوکا ویڈیو شیئرکیا اورلکھا 'ہندوستانی فضائیہ کے 87 ویں یوم تاسیس کے موقع پرکمانڈرابھینندن وردھمان مگ 21 بائسن کی پریڈ کو لیڈ کرتے ہوئے'۔ ان کی ہمت ہم سبھی کے لئے ترغیب ہے۔ آج انہیں پریڈ لیڈ کرتے ہوئے دیکھ کرمیرے رونگٹے کھڑے ہوگئے تھے'۔
Wing Commander #AbhinandanVarthaman leading the flying parade in the MiG-21 Bison at the 87th Anniversary of the @IAF_MCC!
His spirit and courage is an inspiration to all of us. Had goosebumps seeing him lead the parade today.#AFDay19 pic.twitter.com/FZOU0CHueS
— Sachin Tendulkar (@sachin_rt) October 8, 2019
حراست میں لئے گئے تھے ابھینندن
اس سال فروری میں پلوامہ میں سی آرپی ایف کی بس پرحملہ کیا گیا تھا، جس میں 40 جوان شہید ہوگئے تھے۔ اس کے بعد ہندوستانی فضائیہ کے ذریعہ پاکستان کے بالا کوٹ میں ایئراسٹرائیک کی گئی تھی، جس میں پاکستان کے دہشت گرد گروپ 'جیش محمد' کے کیمپ کو نشانے پرلیا گیا تھا۔ ونگ کمانڈرابھینندن کی قیادت میں ایئرفورس ڈے کے موقع پرکمانڈرس نے ایئرپریڈ کرکے اس اسٹرائیک میں شامل سبھی پائلٹس کو سلامی دی۔
آپ کو بتادیں کہ ونگ کمانڈرابھینندن وردھمان بھی بالا کوٹ میں ہوئی اسٹرائیک میں شامل تھے۔ 36 سال کے ابھینندن کے مگ 21 طیارہ کو گراکرپاکستانی فوج نے انہیں 27 فروری کواپنے قبضے میں لے لیا تھا۔ حالانکہ انہیں ایکم مارچ کو رہا کیا گیا تھا، جس کے بعد ابھینندن ملک کے ہیرو بن گئے تھے۔
