உங்கள் மாவட்டத்தைத் தேர்வுசெய்க

    پاکستان کے سابق کپتان شاہد آفریدی کے ’داماد‘ کو ملی ان کی 10 نمبر کی جرسی، کہی یہ بڑی بات

    پاکستان کے سابق کپتان شاہد آفریدی کے ’داماد‘ کو ملی ان کی 10 نمبر کی جرسی، کہی یہ بڑی بات

    پاکستان کے سابق کپتان شاہد آفریدی کے ’داماد‘ کو ملی ان کی 10 نمبر کی جرسی، کہی یہ بڑی بات

    پاکستان کے بائیں ہاتھ کے تیز گیند باز شاہین شاہ آفریدی (Shaheen Shah Afridi) اب 10 نمبر کی جرسی میں نظر آئیں گے۔ پہلے اس نمبر کی جرسی سابق کپتان شاہد آفریدی (Shahid Afridi) پہنتے تھے۔ آفریدی اپنی بیٹی کی شادی شاہین شاہ آفریدی سے کرنے کا اعلان پہلے ہی کرچکے ہیں۔

    • News18 Urdu
    • Last Updated :
    • Share this:
      لاہور: پاکستان کے بائیں ہاتھ کے تیز گیند باز شاہین شاہ آفریدی (Shaheen Shah Afridi) اب ٹیم کی 10 نمبر کی جرسی میں نظر آئیں گے۔ انہوں نے خود اس کا اعلان کیا۔ اس سے پہلے 10 نمبر کی جرسی سابق کپتان شاہد آفریدی (Shahid Afridi) پہنے تھے۔ واضح رہے کہ شاہد آفریدی اپنی بیٹی کی شادی شاہین شاہ آفریدی سے کرنے کا اعلان کرچکے ہیں۔ حالانکہ اب تک شادی کی تاریخ کا اعلان نہیں کیا گیا ہے۔ پاکستان اور نیوزی لینڈ کے درمیان سیریز جمعہ سے شروع ہو رہی ہے۔

      شاہین شاہ آفریدی نے لکھا، ’میرے لئے یہ شرٹ کے نمبر سے کہیں زیادہ ہے۔ اس جرسی سے ایمانداری، سالمیت اور پاکستان سے بے حد پیار کرنے کی جھلک ملتی ہے۔ میں خود کو کافی باعزت محسوس کر رہا ہوں کہ مجھے اب سابق عظیم کھلاڑی شاہد آفریدی کی 10 نمبر کی جرسی پہننے کو ملے گی۔ پاکستان زندہ آباد‘۔ اس پر شاہد آفریدی نے لکھا کہ میں نے اس شرٹ کو بڑے فخر اور احترام کے ساتھ پہنا تھا۔ مجھے خوشی ہو رہی ہے کہ اب شاہین اسے پہنے گا، جو حقیقت میں اہل جانشین ہے۔ میں آپ کو مبارکباد دیتا ہوں۔ 21 سال کے شاہین شاہ پاکستان کی طرف سے 19 ٹسٹ، 28 ونڈے اور 30 ٹی-20 انٹرنیشنل کے مقابلے کھیل چکے ہیں۔ وہ ٹی-20 عالمی کپ میں بھی اتریں گے۔

      آفریدی کا ٹوئٹ


      آج سے شروع ہونے والی ونڈے سیریز منسوخ ہوگئی

      پاکستان اور نیوزی لینڈ کے درمیان آج سے شروع ہونے والی ونڈے سیریز سیکورٹی خدشات کے باعث آج منسوخ کردی گئی۔ نیوزی لینڈ کرکٹ ٹیم 18 سال بعد تین ونڈے اور پانچ ٹی -20 انٹرنیشنل کھیلنے کے لئے 11 ستمبر کو پاکستان آئی تھی۔ پاکستان کرکٹ بورڈ (پی سی بی) کی جانب سے جاری بیان میں کہا گیا کہ 'نیوزی لینڈ کرکٹ بورڈ نے آگاہ کیا ہے کہ انہیں سیکورٹی کے حوالے سے الرٹ کیا گیا ہے اس لئے یکطرفہ طور پر سیریز ملتوی کرنے کا فیصلہ کیا ہے۔ بیان میں کہا گیا کہ 'پاکستان کرکٹ بورڈ اور حکومت پاکستان نے مہمان ٹیم کی سیکورٹی کے لئے مکمل حفاظتی انتظامات کئے ہیں۔ ہم نے نیوزی کرکٹ بورڈ کو بھی یہی یقین دہانی کرائی تھی اور وزیر اعظم نے ذاتی طور پر نیوزی لینڈ کی وزیراعظم کو رابطہ کرکے انہیں بتایا کہ ہماری سیکورٹی انٹیلی جنس دنیا کی ایک بہترین ایجنسی ہے اور مہمان ٹیم کو کوئی سیکورٹی کا خطرہ نہیں ہے'۔




      شاہد آفریدی اپنی بیٹی کی شادی شاہین شاہ آفریدی سے کرنے کا اعلان کرچکے ہیں۔ حالانکہ اب تک شادی کی تاریخ کا اعلان نہیں کیا گیا ہے۔
      شاہد آفریدی اپنی بیٹی کی شادی شاہین شاہ آفریدی سے کرنے کا اعلان کرچکے ہیں۔ حالانکہ اب تک شادی کی تاریخ کا اعلان نہیں کیا گیا ہے۔

      پاکستان کرکٹ بورڈ نے بتایا کہ 'نیوزی لینڈ ٹیم کے آفیشلز نے حکومت پاکستان کی سیکورٹی پر اطمینان کا اظہار کیا تھا'۔ نیوزی لینڈ کے خلاف ون ڈے سیریز راولپنڈی اسٹیڈیم میں کھیلی جانی تھی، یہ میچ 17، 19 اور 21 ستمبر کو کھیلے جانے تھے۔ اس کے علاوہ لاہور کے قذافی اسٹیڈیم میں پاکستان کے خلاف نیوزی لینڈ نے 25 ستمبر سے 3 اکتوبر تک پانچ ٹی-20 میچ بھی کھیلے جانے تھے۔

      Published by:Nisar Ahmad
      First published: