ہوم » نیوز » اسپورٹس

ثانیہ مرزا کے شوہر شعیب ملک کی بڑی خواہش، ہند پاک کے درمیان شروع ہو کرکٹ سریز

پاکستان کے آل راؤنڈر شعیب ملک نے ہند - پاک سریز کو جلد سے جلد منعقد کرانے کا مطالبہ کرتے ہوئے کہا ہے کہ ہندستان اور پاکستان کے مابین جلد از جلد کرکٹ کو بحال کرنا چاہئے کیونکہ ہر کوئی اس سیریز کو دیکھنا چاہتا ہے۔

  • UNI
  • Last Updated: Jun 24, 2020 06:28 PM IST
  • Share this:
ثانیہ مرزا کے شوہر شعیب ملک کی بڑی خواہش، ہند پاک کے درمیان شروع ہو کرکٹ سریز
پاکستان کے آل راؤنڈر شعیب ملک ہند پاک کرکٹ سریز کے خواہاں

نئی دہلی: پاکستان کے آل راؤنڈر شعیب ملک نے ہند - پاک سریز کو جلد سے جلد منعقد کرانے کا مطالبہ کرتے ہوئے کہا ہے کہ ہندوستان اور پاکستان کے مابین جلد از جلد کرکٹ کو بحال کرنا چاہئے کیونکہ ہر کوئی اس سیریز کو دیکھنا چاہتا ہے۔ شعیب ملک کو لگتا ہے کہ کورونا وائرس کے اس دور میں جب پوری دنیا میں نفی کا ماحول ہے ہندوستان اور پاکستان کے مابین یہ سریز دونوں ممالک کے لوگوں میں ایک نئی توانائی پیدا کر سکتی ہے۔ شعیب ملک نے یہاں یہ بھی کہا کہ ہندوستان - پاکستان سیریز کسی بھی صورت میں آسٹریلیا اور انگلینڈ کے مابین ایشیز سے کم نہیں ہے۔

اہم بات یہ ہے کہ 2008 سے ہندوستان اور پاکستان کے مابین کسی بھی طرح کی کوئی کرکٹ نہیں کھیلی گئی ہے۔ در حقیقت اس سال ممبئی دہشت گردانہ حملوں میں 200 سے زیادہ افراد ہلاک ہوئے تھے اور پاکستانی دہشت گرد اجمل قصاب نے اپنے بیان میں قبول کیا تھا کہ ان دہشت گردانہ حملوں کی پوری سازش پاکستانی خفیہ ایجنسی آئی ایس آئی نے بنائی تھی۔ تب سے ہندوستان اور پاکستان کے مابین کسی بھی طرح کی کرکٹ سیریز کا اہتمام نہیں کیا گیا ہے۔




ثانیہ مرزا کے شوہر شعیب ملک اب چاہتے ہیں کہ ہندوستان اور پاکستان اپنی تلخی کو فراموش کریں اور ایک بار پھر کرکٹ کھیلنا شروع کردیں کیونکہ ورلڈ کرکٹ کو اس سیریز کی اشد ضرورت ہے۔
ثانیہ مرزا کے شوہر شعیب ملک اب چاہتے ہیں کہ ہندوستان اور پاکستان اپنی تلخی کو فراموش کریں اور ایک بار پھر کرکٹ کھیلنا شروع کردیں کیونکہ ورلڈ کرکٹ کو اس سیریز کی اشد ضرورت ہے۔

تاہم ہندوستانی ٹینس اسٹار کے شوہر اور پاکستانی آل راونڈر شعیب ملک اب چاہتے ہیں کہ دونوں ممالک اپنی تلخی کو فراموش کریں اور ایک بار پھر کرکٹ کھیلنا شروع کردیں کیونکہ ورلڈ کرکٹ کو اس سیریز کی اشد ضرورت ہے۔ ہندوستان اور پاکستان کی سیریز کے بغیر کرکٹ بالکل بھی دلچسپ دکھائی نہیں دیتی اور اب تو شائقین بھی سیریز کے ہونے کے لئے دن رات دعائیں مانگ رہے ہیں۔
ایک پاکستانی ویب سائٹ سے گفتگو کے دوران شعیب ملک نے کہا کہ مجھے لگتا ہے کہ دنیا اس دشمنی کے ختم ہونے کا انتظار کر رہی ہے، جس طرح عالمی کرکٹ کو ایشیز کی ضرورت ہے۔ کیا انگلینڈ اور آسٹریلیا ایشز کے بغیر ٹیسٹ کرکٹ کے بارے میں سوچ سکتے ہیں؟ یہ دونوں سیریز ایک ہی جذبے کے ساتھ کھیلی گئیں ہیں اور ان کی ماضی کی اچھی تاریخ ہے۔
شعیب ملک نے مزید کہا کہ اسی وقت میرے پاکستانی دوست ہیں جو ہندوستانی کرکٹرز کے بارے میں بات کرنا پسند کرتے ہیں۔ اسی طرح جب میں ہندوستان کے خلاف کھیلتا ہوں تو میرے اور میرے ہندوستانی ساتھیوں سے محبت بڑھ جاتی ہے۔ میں اسے جلد سے جلد واپس آتے دیکھنا چاہتا ہوں۔

First published: Jun 24, 2020 06:28 PM IST
corona virus btn
corona virus btn
Loading