உங்கள் மாவட்டத்தைத் தேர்வுசெய்க

    ہندوستان دورے کے لئے سری لنکا کی ٹی20 ٹیم کا اعلان: 6 اسپنرس کو ملی جگہ، IPL نیلامی میں 10.75 کروڑ کمانے والے ہسرنگا بھی ٹیم میں شامل

    ٹیم انڈیا کے خلاف ٹی ٹوئنٹی سیریز کے لئے سری لنکا کی ٹیم کا ہوا اعلان۔

    ٹیم انڈیا کے خلاف ٹی ٹوئنٹی سیریز کے لئے سری لنکا کی ٹیم کا ہوا اعلان۔

    بی سی سی آئی نے ٹیم انڈیا اور سری لنکا کے درمیان ٹی 20 اور ٹیسٹ سیریز کے شیڈول کا اعلان کر دیا ہے۔ سری لنکن ٹیم کے دورے کا آغاز 24 فروری سے لکھنؤ میں پہلے ٹی ٹوئنٹی میچ سے ہوگا۔ دو میچوں کی ٹیسٹ سیریز 4 مارچ سے موہالی میں شروع ہوگی۔

    • Share this:
      کولمبو:ہندوستان کے خلاف 24 فروری سے شروع ہونے والی تین میچوں کی ٹی ٹوئنٹی سیریز کے لیے سری لنکا کی ٹیم کا اعلان کر دیا گیا ہے۔ ٹیم کی کمان داسن شاناکا کے ہاتھ میں ہے۔ ساتھ ہی چریتھ اسالنکا کو نائب کپتان بنایا گیا ہے۔ آئی پی ایل میگا آکشن میں 10.75 کروڑ میں فروخت ہونے والے وانیندو ہسرنگا بھی ٹیم میں شامل ہیں۔ ہسرنگا کو نیلامی میں رائل چیلنجرز بنگلور (RCB) نے خریدا ہے۔ سری لنکن ٹیم میں چھ اسپن بولرز کو شامل کیا گیا ہے۔

      اس سیریز کے لیے ٹیم انڈیا کا اعلان پہلے ہی ہوچکا ہے۔ ویراٹ کوہلی اور رشبھ پنت سیریز کا حصہ نہیں ہوں گے۔ دونوں کو آرام دیا گیا ہے۔


      مسٹری اسپنر کو بھی بنایا گیا ٹیم کا حصہ
      21 سالہ آف اسپنر مہیش تیکشنا کو بھی دورہ ہندوستان کے لیے ٹیم میں شامل کیا گیا ہے۔ مہیش نے اب تک 15 T20 انٹرنیشنل کھیلے ہیں اور 14 وکٹیں حاصل کی ہیں۔ آسٹریلیا میں کھیلی گئی سیریز میں تکشنا کی کارکردگی شاندار رہی ہے۔ مہیش کے ساتھ کوسل مینڈس نے بھی سیریز میں اچھی کارکردگی کا مظاہرہ کیا۔ انہوں نے 50 کی اوسط سے 100 رنز بنائے۔

      حال ہی میں سری لنکن ٹیم 5 ٹی ٹوئنٹی میچوں کی سیریز کھیلنے آسٹریلیا گئی تھی جہاں ٹیم کو سیریز میں 4-1 سے شکست کا سامنا کرنا پڑا تھا۔

      24 فروری سے ہوگا ٹی20 سیریز کا آغاز
      بی سی سی آئی نے ٹیم انڈیا اور سری لنکا کے درمیان ٹی 20 اور ٹیسٹ سیریز کے شیڈول کا اعلان کر دیا ہے۔ سری لنکن ٹیم کے دورے کا آغاز 24 فروری سے لکھنؤ میں پہلے ٹی ٹوئنٹی میچ سے ہوگا۔ دو میچوں کی ٹیسٹ سیریز 4 مارچ سے موہالی میں شروع ہوگی۔

      ٹی ٹوئنٹی سیریز کے لئے سری لنکائی ٹیم
      دسون شناکا (کپتان)، چریتھ اسالنکا، پاتھوم نسانکا، کوسل مینڈس، دنیش چندیمل، دھنوشکا گناتیلاکا، کامل مشارا، جاناتھ لیاناگے، ونیندو ہسرنگا، چمیکا کرونارتنے، لاہیرو کمارا، دشمنتا چمیرا، بنورا فرنانو، شیرن فرنانو، مہیش تیکشنا، جیفری وینڈرسے، پروین جے وکرما، آشیان ڈینیئل۔
      Published by:Shaik Khaleel Farhaad
      First published: