Euro Cup 2021: ڈنمارک کے مشہور فٹ بال کھلاڑی کرسٹین ایرکسن میدان پر گرے ، اسپتال میں داخل

کوپن ہیگن : یوروپ کپ 2021 کے مقابلے شروع ہوچکے ہیں ۔ اس درمیان ہفتہ کی رات کو ڈنمارک اور فن لینڈ کے ایک میچ میں دردناک واقعہ پیش آیا ۔ ڈنمارک کے کھلاڑی کرسٹین ایرکسن میچ کے دوران میدان پر گر پڑے ۔ اس کے بعد میڈیکل ایمرجنسی کو دیکھتے ہوئے میچ کو سسپینڈ کردیا گیا ۔ میچ کو دوبارہ ہندوستانی وقت رات بارہ بجے شروع کیا جائے گا ۔ ایرکسن کا علاج چل رہا ہے ۔ اس دوران میدان پر ان کی ٹیم کے ساتھی کھلاڑی روتے ہوئے نظر آئے ۔ کئی فینس نے اس واقعہ کو ٹی وی پر دیکھا ۔ اس درمیان ڈنمارک فٹ بال ایسوسی ایشن کے مطابق ایرکسن کو ہوش آگیا ہے ۔

میچ کے دوران 43 ویں منٹ میں 29 سال کے ڈنمارک کے اسٹار کھلاڑی کرسٹین ایرکسن بے ہوش ہوگئے ۔ میدان پر فورا میڈیکل ٹیم کو بلایا گیا اور انہیں علاج کیلئے اسپتال لے جایا گیا ۔ ڈنمارک نے پہلے منٹ سے ہی فن لینڈ پر دبدبہ بنائے رکھا تھا ۔ فن لینڈ کے رابن لاڈ کے فاول پر انہیں پیلا کارڈ دکھایا گیا ۔ ڈنمارک نے  میچ سسپینڈ ہونے تک آٹھ شاٹس لگائے تھے ۔

Following the medical emergency involving Denmark's player Christian Eriksen, a crisis meeting has taken place with both teams and match officials and further information will be communicated at 19:45 CET.

The player has been transferred to the hospital and has been stabilised.

— UEFA EURO 2020 (@EURO2020) June 12, 2021

Christian Eriksen er vågen og er til yderligere undersøgelser på Rigshospitalet.

Kampen er midlertidigt udsat. Ny melding kommer kl. 19.45.

— DBU - En Del Af Noget Større (@DBUfodbold) June 12, 2021

فیفا نے بیان میں کہا ہے کہ کرسٹین ایرکسن کی حالت کو دیکھتے ہوئے کھلاڑیوں اور افسران کی ایمرجنسی میٹنگ ہوئی ۔ آگے کے بارے میں جانکاری دی جائے گی ۔ کھلاڑی کو اسپتال بھیج دیا گیا ہے ، جہاں ان کی حالت مستحکم ہے ۔ اس واقعہ کے بعد سبھی جانب سے ایرکسن کیلئے دعائیں مانگی جانے لگیں ۔

2011 میں ڈنمارک کو ملی تھی جیت

ڈنمارک کا شمار اچھی ٹیموں میں کیا جاتا ہے ۔ ٹیم الٹ پھیر کرنے میں اہل ہے ۔ فن لینڈ کے خلاف ڈنمارک کا پلڑا ہمیشہ بھاری رہا ہے ۔ 2011 کے بعد سے دونوں کے درمیان کوئی مقابلہ نہیں ہوا ہے ۔ 2011 میں میچ کو ڈنمارک نے دو ایک سے مقابلہ جیتا ہے ۔