اسٹیو اسمتھ کا بیان، کہا-روی اشون کوالیٹی بالر ہیں، لیکن ہماری تیاری ہے بہتر

ہندوستان کے خلاف ٹسٹ سیریز میں رویا شون کو آسٹریلیائی بلے بازوں کے لیے بڑے چیلنج کے طور پر دیکھا جاتا رہا ہے۔ کیا آسٹریلیائی ٹیم رویا شون کو جھیل پائے گی؟ اب آسٹریلیا کے قدآور بلے باز اسٹیو اسمتھ نے روی اشون پر بڑا بیان دیا ہے۔ جب اسٹیو اسمتھ سے پوچھا گیا کہ کیا آپ کی ٹیم روی چندرن اشون کے بارے میں زیادہ سوچ رہی ہے؟ اس سوال کے جواب میں اسٹیو اسمتھ نے کہا کہ ہم ایسے کئی اسپنروں کو کھیل چکے ہیں، جو کم و بیش رویا شون کی طرح گیندبازی کرتے ہیں۔ مہیش پٹھانا ایسے ہی گیند باز ہیں۔ ہم نے مہیش پٹھانا کے خلاف کافی بلے بازی کی ہے۔

رویا شون کوالیٹی بالر ہیں، لیکن۔۔۔

اسٹیو اسمتھ نے کہا کہ مہیش پٹھانا بالکل رویا شون کی طرح گیند بازی کرتے ہیں۔ ہم رویا شون پر زیادہ سوچ نہیں رہے ہیں۔ انہوں نے کہا کہ اس بات میں کوئی شک نہیں ہے کہ رویا شون کوالیٹی بالر ہیں، وہ بہترین گیند باز ہیں، لیکن ہم نے اس کا توڑ نکال لیا ہے۔ اس کے علاوہ استیو اسمتھ نے ہندوستانی پچوں پر اپنا ردعمل ظاہر کیا۔ اسٹیو اسمتھ نے کہا کہ مجھے نہیں لگتا کہ ہندوستانی پچوں پر باونس ملے گا۔ حالانکہ، ہندوستانی وکٹوں پر گیند اسکڈ ہوکر تیزی سے نکلے گی۔ وہیں، سابق آسٹریلیائی کپتان کا ماننا ہے کہ تیز گیندباز کی گیند پچ پر اوپر نیچے رہے گی۔

یہ بھی پڑھیں:

ایک دن میں 2 لیجنڈ کا ریٹائرمنٹ کا اعلان،فنچ کے بعد پاکستانی بلے باز نے کرکٹ کو کہا الوداع

یہ بھی پڑھیں:

آسٹریلیا کے خلاف سیریز سے پہلے ریشبھ پنت نے دیا اپ ڈیٹ، تصویر شیئر کرکے کہی یہ بات

’ہماری ٹیم سیریز کے لیے تیار‘

وہیں، ٹسٹ سیریز کے دوران پچ میں کریک پر اسٹیو اسمتھ نے کہا کہ اس پر فی الحال کچھ کہا نہیں جاسکتا ہے۔ اس کے لیے انتظار کرنا ہوگا۔ اس کے علاوہ اسٹیو اسمتھ نے ہندوستان کے خلاف بارڈر گواسکر ٹرافی کے لیے ٹیم کی تیاری پر اپنا ردعمل ظاہر کیا ہے۔ انہوں نے کہا کہ اس سیریز کے لیے ہماری تیاری شاندار ہے۔ مجھے  بھروسہ ہے کہ  ہندوستان کے خلاف ٹسٹ سیریز میں ہماری ٹیم بہترین مظاہرہ کرے گی۔