உங்கள் மாவட்டத்தைத் தேர்வுசெய்க

    محمد نبی سے صحافی کا سوال- گھر لوٹنے پر طالبان کا ڈر تو نہیں، کپتان نے بولتی بند کردی

    محمد نبی سے صحافی کا سوال- گھر لوٹنے پر طالبان کا ڈر تو نہیں، کپتان نے بولتی بند کردی

    محمد نبی سے صحافی کا سوال- گھر لوٹنے پر طالبان کا ڈر تو نہیں، کپتان نے بولتی بند کردی

    پاکستان کے خلاف میچ میں شکست کے بعد افغانستان کے کپتان محمد نبی سے پریس کانفرنس میں ایک صحافی نے پاکستان کے ساتھ ان کے ملک کے سیاسی تعلقات کے بارے میں سوال پوچھنے کی کوشش کی تو محمد نبی نے بڑے پیار سے اس صحافی کی بولتی بند کردی۔ اس کا ویڈیو سوشل میڈیا پر وائرل ہو رہا ہے۔

    • Share this:
      نئی دہلی: ٹی-20 عالمی کپ میں جمعہ کو ہوئے مقابلے میں افغانستان کو پاکستان کے ہاتھوں 5 وکٹ (PAK vs AFG T20 World Cup 2021) سے شکست کا سامنا کرنا پڑا۔ ایک وقت ایسا لگ رہا تھا کہ افغانستان الٹ پھیر کردے گا، لیکن 19 ویں اوور میں پاکستانی بلے باز آصف علی (Asif Ali 4 sixes) نے 4 چھکے لگا کر میچ کا پاسا پوری طرح پلٹ دیا اور آخر کار پاکستان نے عالمی کپ میں جیت کی ہیٹ ٹرک پوری کی۔

      میچ کے بعد افغانستان کے کپتان محمد نبی (Mohamamad Nabi) سے پریس کانفرنس میں ایک صحافی نے پاکستان کے ساتھ ان کے ملک کے سیاسی تعلقات کے بارے میں سوال پوچھنے کی کوشش کی تو محمد نبی نے بڑے پیار سے اس صحافی کی بولتی بند کردی۔ اس پورے واقعہ کا ویڈیو سوشل میڈیا پر وائرل ہو رہا ہے۔ لوگ صحافی کے سوال پوچھنے کے طریقے اور منشا پر سوال اٹھا رہے ہیں۔ آپ بھی سنئے آخر صحافی نے محمد نبی سے کیا سوال پوچھا اور انہوں نے کیا جواب دیا۔

      محمد نبی نے صحافی کی بولتی بند کردی

      پریس کانفرنس میں صحافی نے محمد نبی سے پوچھا کہ محمد نبی مجھے بتائیے گا کہ افغانستان کی اچھی ٹیم کھیل رہی ہے۔ بہت اچھا کھیل رہی ہے۔ دونوں میچ میں آپ کی ٹیم کی کارکردگی اچھی رہی ہے۔ کہیں کوئی ایسا خوف ہے کہ آپ لوگوں کے پیچھےحکومت میں جو یہ حالات بدل گئے ہیں، تو جب آپ واپس جائیں گے تو آپ سے پوچھ گچھ ہوگی یا کوئی ایسا دباو ہے؟ دراصل، صحافی کا اشارہ افغانستان میں طالبان کی حکومت کی طرف تھا۔

      اس کے بعد صحافی نے مزید کہا کہ دوسرا میرا یہ سوال ہے کہ جو نیا دور شروع ہوا ہے۔ اس میں پاکستان کے ساتھ افغانستان کے تعلقات اچھے ہیں، تو ان رشتوں کے بہتر ہونے سے افغانستان کی ٹیم کو مضبوط ملے گی؟



      صرف کرکٹ پر بات کریں: محمد نبی

      ان دو سوالوں پر محمد نبی نے دو ٹوک جواب دیئے۔ انہوں نے کہا کہ کیا ہم حالات اور صورتحال کو چھوڑ کر کرکٹ کے بارے میں بات کرسکتے ہیں۔ اس پر صحافی نے دوبارہ کہا کہ میں کرکٹ کے بارے میں ہی سوال پوچھ رہا ہوں۔ اس پر محمد نبی نے کہا کہ ہم یہاں عالمی کپ کھیلنے کے لئے آئے ہیں۔ ہم پوری تیاری سے آئے ہیں۔ پوری خود اعتمادی کے ساتھ ادھر آئے ہیں۔ کرکٹ سے متعلق کچھ سوال ہیں تو پوچھ سکتے ہیں۔

      بار بار محمد نبی کے انکار کرنے کے بعد بھی صحافی ان سے افغانستان اور پاکستان کے رشتوں کو لے کر سوال پوچھنے کی کوشش کرتا رہا۔ دونوں کے درمیان رسہ کشی بڑھتا ہوا دیکھ کر پریس کانفرنس کی ذمہ داری سنبھال رہے آئی سی سی آفیشیل نے صحافی کو دوسرا سوال پوچھنے کے لئے کہا، لیکن صحافی نہیں مانا، اس کے بعد محمد نبی پریس کانفرنس سے چلے گئے۔

      پاکستان نے 5 وکٹ سے جیتا میچ

      پاکستان کے خلاف میچ میں افغانستان نے پہلے بلے بازی کرتے ہوئے 20 اوور میں 147 رن بنائے تھے۔ اس کے جواب میں پاکستان نے 5 وکٹ کے نقصان پر ہی جیت حاصل کرلیا۔ پاکستان کے لئے آصف علی نے 7 گیندوں پر 25 رن بنائے۔ انہوں نے 4 چھکے لگائے۔ پاکستان کی ٹی-20 عالمی کپ میں یہ مسلسل تیسری جیت ہے۔
      Published by:Nisar Ahmad
      First published: