IPL کے پلے آف مقابلے کہاں اور کون سی ٹیم کے درمیان کھیلے جائیں گے، جانیے مکمل شیڈول

پورے 70 لیگ میچوں کے  بعد IPL کی ٹاپ 4 ٹیمیں طئے ہوگئی ہیں۔ گجرات ٹائٹنس، چنئی سوپر کنگس، لکھنو سوپر جائنٹس اور ممبئی انڈینس کی وہ 4 ٹیمیں ہیں جو پلے آف میں پہنچی ہے۔ اب پلے آف کا مقابلہ 23 مئی سے کھیلا جائے گا۔ آئی پی ایل 2023 کا فائنل 28 مئی کو نریندر مودی اسٹیڈیم احمدآبادمیں کھیلا جانے والا ہے۔ بتادیں کہ اس مرتبہ کا آئی پی ایل کافی دلچسپ رہا ہے۔ آخری لیگ میچ کے بعد ہی یہ طئے ہوپایا کہ پلے آف میں پہنچنے والی چوتھی ٹیم کون سی ہے۔ ایسے میں آئیے جانتے ہیں آئی پی ایل کے پلے آف میچوں کا پورا شیڈول۔

کوالیفائر 1  کا میچ 23 مئی کو

گجرات ٹائٹنس بمقابلہ چنئی سوپر کنگس (ایم اے چدمبرم کرکٹ اسٹیڈیم) – شام 7.30 بجے

ایلیمنیٹ میچ – 24 مئی کو

لکھنو سوپر جائنٹس بمقابلہ ممبئی انڈینس (ایم اے چدمبرم کرکٹ اسٹیڈیم) شام 7.30 بجے

کوالیفائر 2 - 26 مئی

کوالیفائر 1 میں ہارنے والی ٹیم بمقابلہ ایلیمینیٹر میچ کو جیتنے والی ٹیم کے درمیان، شام 7:30 بجے

آئی پی ایل فائنل - 28 مئی

کوالیفائر 1 فاتح بمقابلہ کوالیفائر 2 فاتح، شام 7:30 بجے

یہ بھی پڑھیں:

ٹیم انڈیا کے کٹ اسپانسر میں ہوئی تبدیلی، WTC فائنل میں اس نئے لوگو کی جرسی پہنے گی ٹیم انڈیا

یہ بھی پڑھیں:

WTC فائنل سے پہلے آسٹریلیا کا یہ خطرناک تیز گیندباز ہوا فٹ، ٹیم انڈیا کے لیے بن سکتا ہے بڑا خطرہ

کون بنے گا فاتح؟

ایک مرتبہ پھر گجرات کی ٹیم پلے آف میں پہنچی ہے۔ یہ لگاتار دوسری مرتبہ ہے جب گجرات پلے آف میں پہنچنے میں کامیاب رہی ہے۔ آئی پی ایل میں پہلی مرتبہ 2022 میں گجرات کی ٹیم کو شامل کیا گیا تھا۔ آئی پی ایل 2022 میں گجرات نے راجستھان رائلس کو 7 وکٹ سے ہراکر خطاب پر قبضہ جمایا تھا۔ اس مرتبہ بھی گجرات نے دھماکہ دار مظاہرہ کیا ہے۔ گجرات نے 14 میچ میں 10 میں جیت حاصل کر کے کمال کردیا ہے۔ اس مرتبہ گجرات نے شاندار کھیل کا مظٓہرہ کیا ہے۔ جس سے یہ امید ضرور بن گئی ہے کہ گجرات خطاب پر دوبارہ قبضہ جما سکتی ہے۔