ہوم » نیوز » اسپورٹس

یوراج سنگھ نے شکایت درج ہونے کے بعد معافی مانگی، کہا- میں بھید بھاو نہیں کرتا

یوراج سنگھ نے ٹویٹر پر ایک بیان جاری کرتے ہوئے کہا کہ اگر میں نے جانے انجانے میں کسی کے جذبات کو ٹھیس پہنچائی ہے تو میں معافی مانگتا ہوں۔ میں ہندوستان اور ہندوستانیوں سے بہت پیار کرتا ہوں۔

  • Share this:
یوراج سنگھ نے شکایت درج ہونے کے بعد معافی مانگی، کہا- میں بھید بھاو نہیں کرتا
یوراج سنگھ نے شکایت درج ہونے کے بعد معافی مانگی، کہا- میں بھید بھاو نہیں کرتا

نئی دہلی: ہندوستانی ٹیم کے سابق آل راؤنڈر یوراج سنگھ کا کہنا ہے کہ اگر ان کے بیان سے جانے انجانے میں کسی کے جذبات مجروح ہوئے ہیں تو اس کے لئے وہ معذرت خواہ ہیں۔ کچھ دن پہلے یوراج نے انسٹاگرام پر براہ راست چیٹ کے دوران ٹیم انڈیا کے سلامی بلے باز روہت شرما کے ساتھ بات چیت میں ٹیم کے اسپنر یجویندر چہل پر تبصرہ کیا تھا۔ جب ویڈیو وائرل ہوا تو دلت حقوق کارکن اور وکیل رجت کلسن نے اسے دلت معاشرے پر توہین آمیز تبصرہ قرار دیا اور یوراج کے خلاف مقدمہ چلانے کا مطالبہ کیا۔


 




یوراج سنگھ نے ٹویٹر پر ایک بیان جاری کرتے ہوئے کہا کہ اگر میں نے جانے انجانے میں کسی کے جذبات کو ٹھیس پہنچائی ہے تو میں معافی مانگتا ہوں۔ میں ہندوستان اور ہندوستانیوں سے بہت پیار کرتا ہوں۔ انہوں نے کہا کہ میں یہ واضح کرنا چاہتا ہوں کہ میں کسی بھی قسم کی عدم مساوات پر یقین نہیں رکھتا، خواہ وہ ذات پات، نسل پرست یا صنف ہوں۔ میں ہمیشہ اپنی زندگی لوگوں کی خدمت میں گزارنا چاہتا ہوں۔ میں زندگی کے وقار پر یقین رکھتا ہوں اور بغیر کسی استثنا کے ہر فرد کا احترام کرتا ہوں۔

یوراج سنگھ نے مزید کہا کہ مجھے پتہ چل گیا ہے کہ مجھے اس وقت غلط فہمی ہوئی تھی جب میں اپنے دوستوں سے بات چیت کر رہا تھا۔ تاہم ایک ذمہ دار ہندوستانی ہونے کے ناطے میں یہ کہنا چاہتا ہوں کہ اگر مجھ سے نادانستہ طور پر کسی کے جذبات مجروح ہوئے ہیں تو مجھے افسوس ہے۔
First published: Jun 06, 2020 12:22 PM IST
corona virus btn
corona virus btn
Loading