"دو بار ناکام ہونے کے بعد خود کو سدھارا، اب آج کی صبح کل سے بالکل الگ ہے": یو پی ایس سی ٹاپر ایشیتا کشور

نئی دہلی: یونین پبلک سروس کمیشن (UPSC) نے سول سروسز امتحان 2022 کے نتائج کا اعلان کر دیا ہے۔ دہلی یونیورسٹی کے شری رام کالج آف کامرس سے معاشیات کی گریجویٹ ایشیتا کشور نے امتحان میں ٹاپ کیا ہے۔ انہوں نے اختیاری مضمون سیاسیات اور بین الاقوامی تعلقات کے ساتھ امتحان پاس کیا ہے۔ این ڈی ٹی وی سے بات کرتے ہوئے ایشیتا نے کہا کہ بہت اچھا لگ رہا ہے، آج کی صبح کل کی صبح سے بالکل الگ ہے۔

ایشیتا کشور نے کہا کہ یو پی ایس سی کی تیاری سے پہلے میں کارپوریٹ جاب کرتی تھی۔ پھر سوچا کہ زندگی میں آگے کیا کرنا ہے، پھر لگا کہ آئی اے ایس بننے سے بہتر کوئی چیز نہیں ہوسکتی۔ یو پی ایس سی ٹاپر نے کہا کہ دو بار پریلمس کلیئر نہیں ہوا تو اسے برا لگا۔ پھر اپنی غلطیوں کو سدھارا۔ یہ توقع نہیں تھی کہ میں نمبر ون آؤں گی لیکن جب آگئی ہوں تو بہت اچھا محسوس کر رہی ہوں۔

ایشیتا نے کہا کہ اس بار میں ان لوگوں کو بتاؤں گی جن کا امتحان کلیئر نہیں ہوا ہے کہ میرا بھی دو بار ایسا نہیں ہوا تھا لیکن میں نے خود کو حوصلہ دیا اور اس بار یہ ہوگیا۔ اس نے بتایا کہ وہ کھیلوں میں بھی اچھی تھی، وہ 10 سال کی عمر میں دہلی کی تائیکوانڈو چیمپئن بنی۔

دنیا کو اگلی وبا کیلئے تیار رہنا چاہئے، آنے والا ہے، کورونا سے بھی خطرناک وائرس WHO نے دی وارننگ

ایئرپورٹ پر سکیورٹی اسکریننگ کے دوران 12 عجیب و غریب چیزیں برآمد، کبھی انسان کی کھوپڑی تو کبھی۔۔۔

وہیں، اشیتا نے بتایا کہ وہ امتحان کے لیے سال بھر میں 7 سے 8 گھنٹے پڑھتی تھی اور امتحان کے قریب آتے ہی مطالعے کے اوقات بڑھا دیتی تھی۔ اس نے بتایا کہ دفاتر میں کام کرنے کا فائدہ یہ بھی ہے کہ پڑھائی میں اس روٹین پر عمل کرنے میں آسانی ہوتی ہے تاکہ آپ اپنا ایک مقررہ معمول بنا لیں۔

انہوں نے کہا کہ رزلٹ آنے کے بعد وہ بہت اچھا محسوس کر رہی ہے۔ سب بہت خوش ہیں۔ ایشیتا نے اس کامیابی کا کریڈٹ بہت سے لوگوں کو دیتے ہوئے کہا کہ آپ اس وقت تک کامیاب نہیں ہو سکتے جب تک آپ کا خاندان اور آپ کے خیر خواہ اس میں آپ کا ساتھ نہ دیں۔

بتا دیں کہ میرٹ لسٹ کی بنیاد پر منتخب امیدواروں کو انڈین ایڈمنسٹریٹو سروس، انڈین فارن سروس، انڈین پولیس سروس اور سینٹرل سروسز، گروپ 'اے' اور گروپ 'بی' کے لیے تعینات کیا جائے گا۔

سول سروسز کے ابتدائی امتحان 2022 کا انعقاد 5 جون 2022 کو کیا گیا تھا۔ اس امتحان کے لیے کل 11,35,697 امیدواروں نے درخواست دی تھی، جن میں سے صرف 5,73,735 امیدوار امتحان میں شریک ہوئے۔ ستمبر 2022 میں یو پی ایس سی سی ایس ای مینس امتحان کا انعقاد کیا گیا تھا۔ ستمبر 2022 میں ہونے والے مرکزی امتحان کے لیے کل 13,090 امیدواروں نے کوالیفائی کیا تھا۔

اس کے بعد کل 2,529 امیدواروں نے امتحان کے پرسنالٹی ٹیسٹ کے لیے کوالیفائی کیا۔ یو پی ایس سی سی ایس ای 2022 کے امتحان کا رزلٹ جاری کرتے ہوئے، کمیشن نے مختلف خدمات میں تقرری کے لیے کل 933 امیدواروں کی سفارش کی ہے، جن میں 613 مرد اور 320 خواتین شامل ہیں۔

یو پی ایس سی ٹاپرز لسٹ: ٹاپ 10 رینک

نام                         رول نمبر                          رینک