Japan UAE Moon Mission: چاند پر جاپان اور یو اے ای کی جگل بندی، جانئے اس مشن کے بارے میں

کیپ کینورل : جاپان کی ایک کمپنی نے امریکی خلائی کمپنی اسپیس ایکس کے راکیٹ کے ذریعہ اپنے لینڈر اور متحدہ عرب امارات ( یو اے ای) کے روور کے ساتھ چاند پر نجی مشن بھیجا ہے ۔ اسپیس ایکس نے ٹویٹر پر اس بارے میں جانکاری دی ۔ یہ چاند کیلئے یو اے ای کا پہلا روور ہے اور یہ کسی بھی مسلم ملک کا پہلا چاند مشن ہے ۔ اس مشن کے تحت لینڈر کو چاند پر پہنچانے میں تقریبا پانچ مہینے لگیں گے ۔ جاپان کی کمپنی آئی اسپیس کے 'ہاکوتو آر مشن 1' کے تحت لینڈر اور روور کو چاند پر بھیجا گیا ہے ۔

اسپس ایکس کی جانب سے ٹویٹر پر شیئر کئے گئے ویڈیو میں لینڈر روانہ ہوتے ہوئے نظر آرہا ہے ۔ ابھی تک صرف روس، امریکہ اور چین کے لینڈر ہی چاند پر مبینہ سافٹ لینڈنگ کرپائے ہیں ۔ سب سے پہلے سال 1966 میں سابق سویت یونین کا لونا 9 لینڈر چاند کی سطح پر محفوظ اتر پایا تھا ۔

جاپان کا کھلونا جیسا نظر آنے والا روبوٹ چاند کے چکر لگائے گا ۔ لینڈر کو چاند تک پہنچنے میں پانچ مہینے کا وقت لگے گا اور یہ کئی طرح کے تجربات کرے گا ۔ کمپنی نے اس کو اس طرح سے تیار کیا ہے کہ یہ کم ایندھن پر زیادہ سے زیادہ رقم بچا سکے گا ۔ اس لئے یہ دھیمی رفتار سے کم اینرجی والے راستے سے چاند تک پہنچے گا ۔

زمین سے ایک لاکھ کلو میٹر دور تک کا سفر طے کرنے سے پہلے یہ کچھ اور مشن کو انجام دے سکتا ہے ۔ علاوہ ازیں ناسا کے اوراین کا کرو کیپسول نے ٹیسٹ ڈمیز کے ساتھ پچھلے مہینے پانچ دنوں میں چاند تک پہنچنے کا مشن پورا کیا ہے ۔ اتوار کو اس کا یہ مشن پورا ہوا ۔

یہ بھی پڑھئے: صرف بوڑھوں کے ساتھ رومانس کرتی ہے 25 سال کی یہ حسینہ، وجہ جان کر اڑجائیں گے ہوش!

یہ بھی پڑھئے: مشہور باکسر مائیک ٹائیسن کے ساتھ عمرہ کرنے مکہ پہنچے امریکہ کے مشہور ڈی جے، دیکھئے ویڈیو

جاپان کے آئی اسپیس لینڈر کا مقصد چاند کے شمال مشرق میں ایٹلس کارٹر کو دیکھنا ہے ۔ یہ لینڈر سات فٹ لمبا ہے ۔ اگر بات یو اے ای کی کریں تو اس کا ایک سیٹیلائٹ پہلے سے ہی چاند پر ہے اور اب چاند کو تلاشنا چاہتا ہے ۔ یو اے ای کے روور کا نام راشد ہے اور اس کو دبئی کے شاہی خاندان کے نام پر رکھا گیا ہے ۔ یہ چاند کی سطح پر تقریبا دس دنوں تک آپریٹ کرے گا ۔