ہوٹل میں گاتے تھے گانا، کیسٹ دکھا دکھا کر مانگا کام، 'جادوگر' نے چمکا دی قسمت اور مل گئی چمچماتی کار

نئی دہلی: لیجنڈری گلوکار کمار سانو (Kumar Sanu) کے نام 28 سانگ گانے کا ریکارڈ گنیز بک میں درج ہے۔ یہ ایک ایسا کارنامہ ہے جسے توڑنا شاید کسی کے لیے اتنا آسان نہیں ہے۔ سانو نے تقریباً 75 فلموں میں میوزک ڈائریکٹر ندیم شرون کے لیے گانے گائے ہیں۔ جبکہ انو ملک کے لیے 60 فلموں، جتن-للت کے لیے 30 اور راکیش روشن کے لیے 25 فلموں میں گانے گائے گئے ہیں۔ اگرچہ آپ کو یہ جان کر حیرت ہوگی کہ گلوکار کو میوزک انڈسٹری میں اپنی شناخت بنانے کے لیے بہت کچھ جھیلنا پڑا ہے۔ ایک حالیہ انٹرویو میں، انہوں نے کیریئر کی جدوجہد کے بارے میں کھل کر بات کی اور بتایا کہ انہوں نے اپنا بالی ووڈ سفر کیسے طے کیا۔

ای ٹائمز کے ساتھ بات کرتے ہوئے کمار سانو نے بتایا کہ وہ مشہور میوزک کمپوزر جوڑی کلیان جی آنند جی کے ساتھ بہت اچھی بانڈنگ شیئر کرتے تھے اور اس جوڑی کے کہنے پر سانو نے اپنا نام کیدارناتھ بھٹاچاریہ سے بدل کر کمار سانو رکھ لیا۔ بعد میں اس نام سے اپنی پہچان بنائی۔

سی بی آئی نے فری لانس ڈیفنس صحافی کو کیا گرفتار، فوج اور ڈی آر ڈی او کی جاسوسی کے سنگین الزام، 12 مقامات پر چھاپے ماری

امریکہ نے مذہبی آزادی پر جاری رپورٹ کے بہانے بی جے پی کو بنایا نشانہ، وی ایچ پی، بجرنگ دل کا بھی ہوا ذکر، ہندوستان نے کہا سب کچھ جانبدارانہ

بتایا جادوگر فلم کی کہانی
سانو نے ان لمحات کو بھی یاد کیا جب انہوں نے سپر اسٹار امیتابھ بچن کے لیے فلم 'جادوگر' کے ساؤنڈ ٹریک کے لیے گایا تھا۔ یہ فلم 1989 میں ریلیز ہوئی تھی۔ ان دنوں سانو بالی ووڈ میں نئے تھے جبکہ امیتابھ سپر اسٹار بن چکے تھے۔ سانو کی آواز کا ایک ٹکڑا سنجے دت کے ذریعے بچن کو بھیجا گیا۔ ان دنوں امیتابھ اپنے ایک کام کی وجہ سے امریکہ میں تھے۔ کمار سانو نے کہا کہ انہیں بالکل نہیں بتایا گیا کہ وہ میگا اسٹار کے لیے گانا گائیں گے۔ اگرچہ بعد میں انہیں ریکارڈنگ بوتھ کے دوران اس کا علم ہوا۔ بتا دیں کہ سانو نے امیتابھ کے لیے گانا 'میں جادوگر ہے میرا نام' (Main Jaadugar Hai Mera Naam) گانا گایا تھا۔

رپورٹس کے مطابق سانو نے اس بارے میں بات کرتے ہوئے بتایا کہ جب میں گانا ریکارڈ کر رہا تھا تو مجھے نہیں معلوم تھا کہ میں امیتابھ بچن کے لیے پلے بیک کر رہا ہوں۔ یہ سنتے ہی میرا جسم کانپ اٹھا۔‘‘ حالانکہ میں نے گانا گایا اور انہیں بہت پسند آیا۔ انہوں نے بنگالی میں بھی میری تعریف کی تھی۔

ہوٹلوں میں گاتے تھے گانا
آپ کو بتاتے چلیں کہ ٹی سیریز کے بانی گلشن کمار نے کمار سانو کے ٹیلنٹ کو پہچانا۔ انہوں نے سب سے پہلے انہیں گانے کا آفر دیا تھا۔ بالی ووڈ میں آنے سے پہلے سانو ہوٹلوں میں گانے گاتے تھے۔ جو پیسے ملتے اس سے وہ کیسٹ بناتے اور وہ کیسٹ میوزک ڈائریکٹرز کے پاس لے جاتے اور ان سے کام مانگا کرتے تھے۔

گلشن کمار نے تحفے میں دی کار
بالی ووڈ میں سفر کے بارے میں بتاتے ہوئے سانو نے کہا کہ گلشن کمار کا شکریہ کہ انہوں نے میری شناخت دلانے میں بہت مدد کی۔ ان کے ساتھ کام کرنے اور ممبئی آنے کے بعد مجھے کبھی مالی پریشانی کا سامنا نہیں کرنا پڑا۔ انہوں نے مجھے میری پہلی نئی کار تحفے میں دی اور میری مدد کے لیے مالی سرمایہ کاری بھی کی۔ میرا پہلا گھر خریدا۔ سانو نے کہا، 'میں بمبئی آیا اور یہاں کے ہوٹلوں میں کام کرنے لگا۔ گلشن جی نے مجھے دو گانے دیے اور وہ سپر ہٹ ہو گئے۔ انہوں نے مجھ پر یقین کیا اور پھر انہوں نے مجھے عاشقی جیسی فلم کی پیشکش کی۔