پاکستان پہنچی ہندوستانی فیملی، راستے میں مانگ رہی تھی لفٹ، تبھی ایک کار رکی اور۔۔۔

ہندوستان اور پاکستان اکثر ایک دوسرے کے نمبر ون حریف سمجھے جاتے ہیں لیکن حال ہی میں ایک ایسی ویڈیو سوشل میڈیا پر وائرل ہو رہی ہے جسے دیکھ کر آپ کے چہرے پر مسکراہٹ آجائے گی۔ دراصل یہ کہانی ایک ایسے ہندوستانی خاندان کی ہے جو اپنی بیٹیوں کو ٹینس ٹورنامنٹ کے لیے پاکستان لے کر گیا تھا، پڑوسی ملک میں ان کا شاندار طریقے سے استقبال کیا گیا۔ ٹوئٹر پر اپ لوڈ کی گئی ویڈیو میں بتایا گیا ہے کہ حیدرآباد کی ایک ہندوستانی فیملی اپنی بیٹیوں کے ساتھ ٹینس ٹورنامنٹ میں شرکت کے لیے اسلام آباد پہنچی تھی۔

پاکستانی شہری طاہر کو جب معلوم ہوا کہ خاندان کا تعلق ہندوستان سے ہے تو اس نے فیملی کو لفٹ دے دی۔ پھر طاہر نے گھر والوں کو اپنے دفتر آنے کی دعوت بھی دی۔ وائرل ویڈیو میں دیکھا جا سکتا ہے کہ طاہر ہندوستانی خاندان کو بریانی کی دعوت دیتے ہوئے نظر آ رہے ہیں۔ ہندوستانی خاندان نے بھی پاکستان میں اپنے اچھے تجربات شیئر کیے ہیں۔

I want my Indian friends & followers to watch this video. An Indian family who’re visiting Pakistan for his daughter’s tennis match in Islamabad. They met a good friend of mine Tahir Khan & asked for a lift. They’ve shared their experience in the video. This is Pakistan in real✌️ pic.twitter.com/S7VBrQawss

— Ihtisham Ul Haq (@iihtishamm) November 8, 2022

@iihtishamm نامی ایک سوشل میڈیا صارف نے اس ویڈیو کو اپنی وال پر شیئر کیا ہے۔ کیپشن میں انہوں نے لکھا، 'میں چاہتا ہوں کہ میرے ہندوستانی دوست اور فالوورز اس ویڈیو کو دیکھیں۔ ایک ہندوستانی فیملی اپنی بیٹی کے ٹینس میچ کے لیے اسلام آباد آئی ہوئی تھی۔ وہ میرے ایک اچھے دوست طاہر خان سے ملی اور لفٹ مانگی۔ اس کے بعد انہوں نے ویڈیو میں اپنا تجربہ شیئر کیا ہے۔ دراصل یہی اصلی پاکستان ہے۔

عمران خان کی آواز دبانے پاکستان حکومت کنفیوز! تقاریر کی نشریات پر پابندی لگا دی گئی، پھر۔۔

شادی نہیں کروائی تو بیٹے نے ماں کےساتھ ہی کرڈالا یہ خوفناک کام، ہاررفلم دیکھ کر بنایا پلان

1/2 How sweet 🥰 pic.twitter.com/8Oiv1QfTLn

— Ihtisham Ul Haq (@iihtishamm) November 8, 2022

ایک دوسرے وائرل کلپ میں فیملی کی بیٹی بھی پاکستان میں ہونے والے استقبال سے کافی خوش دکھائی دے رہی ہے۔ اس ویڈیو پر کئی سوشل میڈیا صارفین نے مزیدار تبصرے بھی کیے ہیں۔ @abskPrhr نامی یوزر نے اپنے کمنٹ میں لکھا، یوٹیوب پر بہت سے بلاگز دیکھے ہیں، پاکستان کے لوگ بہت اچھے میزبان ہیں۔