پوری دنیا میں سب سے زیادہ خوش مسلمان ہندوستان میں ہیں: موہن بھاگوت

راشٹریہ سویم سیوک سنگھ یعنی آرایس ایس سربراہ موہن بھاگوت نے ایک بڑا بیان دیاہے۔اڈیشہ میں ایک پروگرام سے خطاب کرتے ہوئے موہن بھاگوت نے کہا کہ پوری دنیا میں سب سے خوش مسلمان ہندوستان میں ہے۔

Oct 13, 2019 12:16 PM IST | Updated on: Oct 13, 2019 12:33 PM IST
پوری دنیا میں سب سے زیادہ خوش مسلمان ہندوستان میں ہیں: موہن بھاگوت

فائل فوٹو

راشٹریہ سویم سیوک سنگھ یعنی آرایس ایس سربراہ موہن بھاگوت نے ایک بڑا بیان دیاہے۔اڈیشہ میں ایک پروگرام سے خطاب کرتے ہوئے موہن بھاگوت نے کہا کہ پوری دنیا میں سب سے خوش مسلمان ہندوستان میں ہے۔ کیونکہ ہم ہندوہے۔ اتناہی نہیں آرایس ایس سربراہ نے کہا کہ ہندوستان میں تمام مذاہب کے ماننے والے خوشی سے زندگی گذاررہے ہیں۔ انہوں نے کہا کہ ملک کی ترقی کویقینی بنانے کے لیے اتحاد ضروری ہے۔ موہن بھاگوت نے کہا کہ یہودی پہلے بھٹکتے پھیرتے تھے اور انہیں ہندوستان میں پناہ ملی۔

 

آر ایس ایس کے آل انڈیا ایگزیکٹو بورڈ کے اجلاس کے پیش نظر یہاں دانشوروں سے خطاب کرتے ہوئے انہوں نے کہا کہ معاشرے کو متحد کرنے کی ضرورت ہے اور تمام طبقات کو مل جل کر چلنا چاہئے اورآر ایس ایس اس سمت میں کام کررہی ہے۔ موہن بھاگوت نے نے کہا ہمیں کسی سے نفرت نہیں ہے۔ بہتر معاشرے کی تشکیل کےلیے ہمیں مل کر آگے بڑھنا ہوگا جو ملک میں تبدیلی لاسکے اور جس سے ترقی کی راہموارہوسکیں۔  

معاشرے کو بدلنا ضروری ہے:موہن بھاگوت

راشٹریہ سویم سیوک سنگھ کے سربراہ نے کہا کہ معاشرے میں تبدیلی لانا ضروری ہے تاکہ ملک کی تقدیر بدلی جاسکے اور اس کے لئے بہترین انسانوں کو تیار کرنا ضروری ہے ، ایک ایسے فرد کوتیارکرنا چاہیے، جس کا صاف ستھرا کردار ہو اور جو ہر سڑک اور شہر میں رہنمائی کرنے کے قابل ہو۔ بھاگوت ہفتے کے روز نو روزہ اڈیشہ کے دورے پر یہاں پہنچے تھے۔

Loading...