برازیل کے صدر کا وطن کے باشندوں کو کورونا وائرس ویکسین مفت فراہم کرنے کا اعلان

برازیل کے صدر بولسنرو (Brazilian President Jair Bolsonaro) نے اپنے ملک کے شہریوں کو کورونا وائرس کی ویکسین مفت فراہم کرنے کا اعلان کیا ہے۔

برازیل کے صدر بولسنرو (Brazilian President Jair Bolsonaro) نے ٹویٹر کرکے کہا کہ "اگر اے این وی آئی ایس اے کی منظوری موصول ہوئی تو برازیل کی حکومت ملک کی پوری آبادی کو یہ ویکسین مفت اور غیر لازمی شکل میں فراہم کرے گی"۔

اس ماہ کے اوائل میں برازیل کے طبی حکام نے اعلان کیا تھا کہ ملک کو 2021 کے پہلے دو مہینے میں آکسفورڈ یونیورسٹی اور آسٹرا زینیکا کی کورونا وائرس ویکسین کی ایک کروڑ پچاس لاکھ خوراک کی پہلی کھیپ مل جائے گی، جبکہ اگلے سال کے پہلے نصف میں برازیل میں کل 10 کروڑ خوراکیں موصول ہونے کی توقع ہے۔

برازیل کے وزیر صحت ایڈورڈ پازویلو کے مطابق ویکسین کی مزید 16 کروڑ خوراکیں 2021 کی دوسری سہ ماہی میں برازیل میں تیار کی جائیں گی۔

عالمی ادارہ صحت (WHO) کے مطابق دنیا بھر میں تقریبا 12 ویکسین ایسی ہیں جن کا ٹرائل آخری مرحلے میں ہے۔ ان ٹرائل میں آکسفورڈ یونیورسٹی اور ( AstraZeneca) کی کورونا وائرس ویکسین کو سب سے بہتر بتایا جا رہا ہے۔