شہریت ترمیمی قانون کے خلاف احتجاج سے لے کر کسان تحریک تک، تصویروں میں دیکھیں اس سال کے بڑے واقعات

شہریت ترمیمی قانون کے خلاف اس سال کے آغاز میں دلی واقع شاہین باغ میں لوگوں نے احتجاج کیا تھا۔ اس میں بڑی تعداد میں خواتین اور بچے بھی شامل تھے۔ یہ احتجاج تقریبا 3 ماہ تک جاری رہا تھا۔ کورونا وائرس وبا کے شروع ہوتے ہی اسے ختم کرا دیا گیا تھا۔ فائل فوٹو

اس سال فروری میں ملک کے دارالحکومت دہلی میں تشدد بھڑک اٹھا تھا۔ اس میں تقریبا 53 لوگوں کی موت ہوئی تھی اور 200 لوگ زخمی ہوئے تھے۔ یہ تشدد سی اے اے حامی اور ان کے مخالفین کے درمیان ہوا تھا۔ فائل فوٹو

ملک میں اس سال کورونا وائرس انفیکشن عروج پر پہنچا۔ 2019 کے دسمبر میں چین کے ووہان سے شروع ہوئی اس بیماری کے سبب مئی کے آخر میں ہندستان میں لاک ڈاون لگایا گیا تھا۔ اس کے بعد پورے ملک میں تالا بندی ہوئی تاکہ کورونا وبا کو روکا جا سکے۔ فائل فوٹو

ملک میں کورونا وائرس انفیکشن کو ہرانے کے لئے لگائے گئے لاک ڈاون کے سبب صنعتیں اور کاروبار بند ہونے سے ہزاروں تارکین وطن مزدوروں کی نوکری چلی گئی۔ اس کے بعد وہ اپنے گھروں کی طرف جانے کو مجبور ہوئے۔ اسی دوران یہ تصویر سامنے آئی تھی۔ اس میں ایک بچہ ایک سوٹ کیس کے اوپر سو رہا ہے اور اس کا کنبہ گھر کی طرف پیدل جا رہا ہے۔ فائل فوٹو

اس سال اگست میں وزیر اعظم نریندر مودی نے ایودھیا میں رام مندر کی تعمیر کے لئے 40 کلو گرام کی چاندی کی اینٹ رکھ کر سنگ بنیاد رکھا تھا۔ فائل فوٹو

ہندستانی نژاد کملا ہیرس اس سال امریکہ کی پہلی نائب صدر کے طور پر منتخب کی گئی ہیں۔ ان کے ساتھ ہی جو بائیڈن کو امریکہ کے صدر کے طور پر منتخب کیا گیا ہے۔ فائل فوٹو

اس سال مرکزی حکومت تین نئے زرعی قوانین لائی۔ لیکن ملک کے الگ الگ حصوں کے کسان ان قوانین کی مخالفت کر رہے ہیں۔ یہ کسان دلی سے متصل سرحدوں پر احتجاج کر رہے ہیں۔ فائل فوٹو