دو گز دوری، ماسک ہے ضروری، پریاگ راج میں آسمان سے رکھی جا رہی ہے زمین پر نظر

یو پی (uttar pradesh) میں کورونا وائرس (Covid-19 pandemic) متاثرین کی بڑھتی تعداد پر الہ آباد ہائی کورٹ (Allahabad High Court) نے سخت قدم اٹھاتے ہوئے ریاست کے 6 اضلاع میں 30 دنوں تک سخت نگرانی کرنے اور کھلے میں کھانے پینے کی اشیاء کی فروخت پر پابندی لگا دی ہے۔

ریاست (Prayagraj) میں کورونا وائرس متاثرین کی بڑھتی تعداد پر الہ آباد ہائی کورٹ کی ناراضگی کے بعد حکومت نے بھی سخت اقدامات کرنے شروع کر دئے ہیں ۔ کورونا وائرس گائبڈ لائنس پرعمل کرانے کے لئے حکومت کی طرف سے اب ڈرون کیمروں کی مدد لی جا رہی ہے۔ ڈرون کمیروں کی مدد سے شہر کے پرہجوم علاقوں کی مسلسل نگرانی کی جا رہی ہے۔

الہ آباد (Allahabad) میں پولیس انتظامیہ نے شہر کے سول لائنس علاقے سے ڈرون کے ذریعے نگرانی کا کام شروع کر دیا ہے۔

پولیس انتظامیہ کا کہنا ہے کہ ڈرون کیمرے کی مدد سے یہ دیکھنے کی کوشش کی جارہی ہے کہ لوگ گھر سے نکلتے وقت ماسک کا استعمال کر رہے ہیں یا نہیں۔ پولیس کے اعلیٰ افسران نے شہر کے تمام چوراہوں پرچیکنگ شروع کر دی ہے ۔ چیکنگ کے دوران بائیک سواروں کا ہیلمٹ اتار کر ماسک چیک کیا جا رہا ہے۔ اس سلسلے میں پولیس ماسک نہ لگانے والوں سے جرمانہ وصول کر رہی ہے۔

واضح رہے کہ الہ آباد ہائی کورٹ نے کورونا وائرس سے سب سے زیادہ متاثر ہونے والے لکھنؤ ، کانپور ، الہ آباد ، میرٹھ، غازی آباد اور گوتم بدھ نگر میں 30 دنوں تک سخت نگرانی اور کھلے میں کھانے پینے کی اشیا کے فروخت پر پابندی لگا دی ہے۔ ا

کچھ لوگ جنہوں نے بائیک چلاتے وقت ہیلمٹ تو پہن رکھا تھا لیکن اند انہوں ماسک نہیں لگایا ہوا ہے۔ ایسے لوگوں کا بھی چالان کاٹا گیا۔ انہیں ماسک کی ضرورت کے بارے میں سمجھایا گیا۔

بغیر ماسک لگائے بائک چلا رہے کچھ بائیک سواروں نے مزیدار دلیل یہ دی کہ وہ ہیلمیٹ لگانے سے ماسک پھسل کر گر جاتا ہے۔

الہ آباد ہائی کورٹ کے حکم کے بعد شروع کی گئی اس چیکنگ مہم کے دوران سٹی بسوں کی بھی پولیس اہلکاروں نے چیکنگ کی اور اندر جاکر یقینی کیا کہ سب نے ماسک لگا رکھا ہے۔

اسی کے ساتھ الہ آباد ہائی کورٹ نے یہ بھی فیصلہ لیا ہے کہ ریاست کے جن اضلاع میں کورونا وبا (Covid-19 pandemic) تیزی سے پھیل رہا ہے وہاں کی ضلعی عدالتیں ہفتے کے روز مکمل طور سے بند رہیں گی۔

ہائی کورٹ نے چھ اضلاع کے علاوہ ہاپڑ، بلند شہر اور باغپت کی ضلع عدالتوں کو بھی ہفتے کے روز بند رکھنے کا حکم دیا ہے۔

ہائی کورٹ کے حکم کے مطابق ہفتے کے روز ان عدالتوں میں سینیٹائزیشن کا کام کیا جائے گا۔ الہ آباد ہائی کورٹ کے رجسٹرار جنرل اجئے کمار سری واستو کی طرف سے جاری بیان میں کہا گیا ہے کہ متعلقہ اضلاع کے اعلیٰ افسران ہائی کورٹ کے احکامات پر پوری طرح سے عمل در آمد کو یقینی بنائیں گے ۔