امریکی میگزین فوربس کی جاری ٹاپ 100 فہرست میں مسلسل 13ویں سال مکیش امبانی بنے سب سے امیر ہندوستانی، یہاں دیکھیں پوری فہرست

ریلائنس انڈسٹریز لیمیٹیڈ (آر آئی ایل) کے مالک مکیش امبانی ’فوربس‘ کی ہندوستانی امیروں کی فہرست میں مسلسل 13 ویں سال 2020 میں بھی 88.7 ارب ڈالر کی جائیداد کے ساتھ پہلے مقام پر قابض ہیں ۔ فوربس کی امیرترین ہندوستانیوں کی فہرست (Forbes India Rich List 2020) میں ریلائنس انڈسٹریز کے چیئرمین مکیش امبانی کا دبدبہ برقرارہے۔ مکیش امبانی ( Mukesh Ambani) مسلسل تیرہ برسوں سے پہلی پوزیشن پر برقرار ہیں۔

جیو پلیٹ فارم اور ریلائنس ریٹیل ونچرس میں غیر ملکی کمپنیوں کی سرمایہ کاری کا سلسلہ جاری ہے۔ غیرملکی کمپنیوں نے ان اکائیوں میں تقریبًا بیس بلین امریکی ڈالرکی سرمایہ کاری کی ہے۔ فوربس کے مطابق مکیش امبانی کی مجموعی دولت اٹھاسی اعشاریہ سات بلین ڈالر ہے۔

امریکی میگزین فوربس کی جاری ٹاپ 100 امیر ہندوستانیوں کی فہرست میں مکیش امبانی کے بعد دوسرے نمبر پر گوتم اڈانی ہیں ۔ مکیش امبانی کے مقابلہ میں حالانکہ گوتم اڈانی کی جائیداد کافی کم 25.7 ارب ڈالر ہی ہے۔

ایچ سی ایل ٹیکنالوجی لیمیٹیڈ کے شیو ناڈار 20.4 ارب ڈالر کی جائیداد کے ساتھ تیسرے مقام پر ہیں ۔ (Image: Getty Images)

چوتھے مقام پر ڈی مارٹ کے مالک رادھا کرشن دمانی ہیں اور وہ 15.4 ارب ڈالر کی دولت کے مالک ہیں۔

فوربس کی فہرست میں پانچواں مقام ہندوجا برادران کوملا ہے ۔ ان کی کل دولت 12.8 ارب ڈالر ہے

ہندوستان کے ویکسن کِنگ کے طورپر پہچان رکھنے والے سائرس پونا والا 11.5 ارب ڈالر کی جائیداد کے ساتھ چھٹے نمبر پر ہیں ۔ (Image: Getty Images)

تعمیراتی شعبہ کی ہستی پالونجی مستری کو ساتواں مقام ملا ہے اور ان کے پاس 11.4 ارب ڈالر کی جائیداد ہے ۔

کوٹک مہندرا بینک کے اودے کوٹک 11.3 ارب ڈالر کے ساتھ آٹھویں نمبر پر ہیں۔

گودریج فملی 11 ارب ڈالر کے جائیداد کے ساتھ نویں نمبر پر ہے۔

فہرست میں دسواں نمبر اسٹیل شعبہ کے لکشمی متل کا ہے جن کے پاس 10.3 ارب ڈالر کی دولت ہے

ایئرٹیل کے چیئرمین سنیل بھارتی متل 2020 فوربس انڈیا رچ کی ٹاپ ٹین فہرست کو راؤنڈ آف کرنے کے بعد 11 ویں نمبر پر ہیں جن کی مجموعی طور پر 10.2 بلین ڈالر ہیں۔

اس سال کی فہرست میں کئی نئے نام بھی شامل ہوئے ہیں۔ ملک کے ٹاپ 100 دولتمندوں کی بات کریں تو ایک سال کے پہلے مقابلے میں ان کی دولت چودہ فیصد بڑھ گئی ہے۔ ویلیو کے حساب سے ان کی دولت میں تقریبا 51750 کروڑ ڈالر یعنی تقریبا 39 لاکھ کروڑ روپئے کا اضافہ ہوا ہے۔ Forbes نے (India’s 100 Richest 2020) کی فہرست میں یہ اطلاع دی ہے۔ میگزین کے مطابق مکیش امبانی مسلسل 13 ویں سال بھی سب سے امیر ہندوستانی کاروباری رہے ہیں۔

مکیش امبانی: پہلے نمبر پر ریلائنس انڈسٹریز کے چیئرمین (Chairman and Managing Director of Reliance Industries) مکیش امبانی ( Mukesh Ambani) ہیں۔ فوربس کے مطابق مکیش امبانی کی مجموعی دولت88.7 ارب ڈالر ہے۔

اس سال جیو پلیٹ فارم اور ریلائنس ریٹیل ونچرس میں غیر ملکی کمپنیوں کی سرمایہ کاری کا سلسلہ جاری ہے۔ غیرملکی کمپنیوں نے ان اکائیوں میں تقریبًا بیس بلین امریکی ڈالرکی سرمایہ کاری کی ہے۔ جس سے (RIL) کا شیئر اپنے ریکارڈ (High)پر پہنچ گیا۔ کمپنی کی مارکیٹ کیپ بھی بڑھ کر سولہ لاکھ کروڑ پر پہنچ گئی تھی۔

کورونا اور لاک ڈاؤن کے سبب جب معیشت کی رفتار دھیمی ہوئی ہے لیکن اس کے باوجود فوربس کے سرکردہ صنعت کاروں کی فہرست میں شامل مکیش امبانی کی آمدنی میں کوئی اثر نہیں پڑا ہے۔ بحیثیت گروپ ان کی مجموعی آمدنی میں چودہ فیصد کی بہتری درج کی گئی ہے۔