کورونا میں اسکول ہوئے بند، حاملہ ہونے لگیں لڑکیاں، اس ملک کی بڑھی تشویش: جانیں کیا ہے سنسنی خیز معاملہ

ہرارے: دنیا بھر کے ممالک نے کورونا وائرس اور اومیکرون ویریئنٹ (Omicron Variant) کے بڑھتے ہوئے کیسز کے بعد کئی پابندیاں عائد کر دی ہیں۔ لوگوں سے کہا جا رہا ہے کہ جہاں تک ممکن ہو گھر سے کام (Work From Home) کریں۔ اسکول اور کالج بند ہیں۔ تاہم کورونا وبا میں اسکولوں کے بند ہونے کے سبب زمبابوے کی حکومت کے لیے ایک نیا مسئلہ کھڑا ہوگیا ہے۔ دراصل حالیہ دنوں میں اس ملک میں اسکولی لڑکیوں کے حاملہ (School Girls Pregnancy) ہونے کے واقعات میں تیزی سے اضافہ ہوا ہے۔

رائٹرز کی رپورٹ کے مطابق زمبابوے میں کورونا کے دور میں لڑکیاں حاملہ ہو رہی ہیں اور 12 سے 13 سال کی عمر میں اسکول چھوڑ رہی ہیں۔ حکومت اور کارکنوں نے اس کے لیے بہت سے اقدامات بھی کیے ہیں لیکن اس میں کوئی سدھار نظر نہیں آ رہا ہے۔

زمبابوے اور دیگر جنوبی افریقی ممالک میں کووڈ وبائی مرض کے دوران کم عمر لڑکیوں کے حمل میں نمایاں اضافہ دیکھا گیا ہے۔ ورجینیا بھی انہیں میں سے ایک ہیں۔ زمبابوے طویل عرصے سے کم عمر لڑکیوں کے حمل اور بچوں کی شادیوں child marriage کے ساتھ جدوجہد کر رہا ہے۔

کووڈ کے پھیلنے سے پہلے ہی ملک میں ہر تین میں سے ایک لڑکی کی شادی 18 سال کی عمر سے پہلے کر دی جاتی تھی۔ اس کی بہت سی وجوہات ہیں، جیسے کہ لڑکیوں کا حاملہ ہونا، بچوں کی شادی کے حوالے سے سخت قانون نہ ہونا، غربت، ثقافتی اور مذہبی رسومات، کووڈ وبانے اس صورتحال کو مزید خراب کر دیا ہے۔

1.5 کروڑ کی آبادی والے اس ملک میں مارچ 2020 میں سخت لاک ڈاؤن نافذ کیا گیا تھا اور بیچ میں اس میں چھوٹ بھی دی گئی۔ لاک ڈاؤن کی وجہ سے لڑکیاں بری طرح متاثر ہوئیں۔ انہیں مانع حمل گولیاں اور سپتال کی سہولیات نہیں دی گئیں۔ کارکنوں اور حکام کا کہنا ہے کہ بہت سی لڑکیاں جنسی زیادتی کا شکار ہوئی ہیں یا غربت سے نکلنے کے لیے شادی اور حمل کا راستہ مان لیا تھا۔

ملک میں کم عمر کی لڑکیوں کے بڑھتے ہوئے حمل کو دیکھتے ہوئے زمبابوے کی حکومت نے اگست 2020 میں اپنے قانون میں تبدیلی کرتے ہوئے حاملہ لڑکیوں کو اسکول جانے کی اجازت دے دی۔ کارکنوں اور عہدیداروں نے اس اقدام کو سراہا اور اسے ایک امید کے طور پر دیکھا۔ لیکن، یہ نئی پالیسی مکمل طور پر ناکام رہی ہے۔

قانون میں تبدیلی کے باوجود حاملہ لڑکیاں اسکول واپس نہیں آ رہی ہیں۔ پیسے کی کمی، سماجی رویے، کلاس میں ہراساں کیے جانے جیسی کئی وجوہات کی وجہ سے لڑکیاں دوبارہ اسکول نہیں جا پارہی ہیں۔