الطاف شیخ کا اسکول میں چائے اور پکوڑے بیچنے سے لیکر یو پی ایس سی پاس کرنے تک کا سفر

ممبئی: ضلع پونے کے کاٹے واڑی کے الطاف شیخ نے یو پی ایس سی UPSC امتحان میں کامیابی حاصل کر کے ہمت کی ایک نئی مثال قائم کی ہے۔ دیہی علاقے کے نوجوانوں کی جدوجہد مشکلات سے بھری پڑی ہیں۔ والد کا آئی پی ایس بننے کا خواب پورا ہوا ہے۔ ان کےوالد کی ایک گیرج تھاوہ اس سے قبل سنٹرل پبلک سروس کمیشن کے اسسٹنٹ کمانڈنٹ بن چکے تھے۔

الطاف شیخ نے یو پی ایس سی سول سروسیز امتحان میں کامیابی حاصل کی ہے ، جس کا اعلان جمعہ کو کیا گیا تھا۔الطاف جو کبھی اسکول میں پکوڑے اور چائے فروخت کرتا تھا اب وہ افسر بن گیا ہے۔

الطاف نے نوودیا ودیالیہ ، اسلام پور سے تعلیم حاصل کی ہے بعد میں انہوں نے فوڈ ٹیکنالوجی میں بی اے کیا۔ اس وقت وہ عثمان آباد میں انٹیلی جنس آفیسر کے طور پر کام کر رہے ہیں۔

واضح رہے کہ نائب وزیر اعلیٰ اجیت پوار اور سنیترا پوار کی پہل پر ، نیشنلسٹ کریئر اکیڈمی کا آغاز بارامتی میں کیا گیا تھا جس کا مقصد دیہی علاقوں کے نوجوانوں کو مسابقتی امتحانات کی تیاری میں مدد فراہم کرنا تھا۔

اسی اکیڈمی سے تعلیم حاصل کرنے والے الطاف شیخ آج آئی پی ایس بن گئے ہیں۔ اس خبر کے بعد کاٹے واڑی اور این سی پی کریئر اکیڈمی میں خوشی کا ماحول ہے۔

نیشنلسٹ کریئر اکیڈمی سنیترا پوار کی پہل پر 2012 میں قائم کی گئی تھی جس کا مقصد دیہی علاقوں کے نوجوانوں کو مسابقتی امتحانات میں مدد دینا تھا۔ 47 گزٹیڈ آفیسر اس اکیڈمی سے اب تک بن چکے ہیں اور نوجوانوں اور خواتین کی ایک بڑی تعداد سرکاری ملازمتوں میں ہیں۔ الطاف شیخ نے 545 رینک حاصل کئے ہیں۔

وہ اس سے قبل 2015 میں سنٹرل پبلک سروس کمیشن کے ڈی وائی ایس پی بنے تھے۔الطاف شیخ نے یو پی ایس سی سول سروسیز کا امتحان پاس کیا ہے جس کا اعلان جمعہ کو کیا گیا تھا۔

انہوں نے فوڈ ٹیکنالوجی میں بی ٹیک کیا ہے۔ اس وقت وہ عثمان آباد میں انٹیلی جنس افسر کے طور پر کام کر رہے ہیں۔