یہ بچے شمشان گھاٹ کے میدان میں سخت دھوپ میں تعلیم حاصل کرنے پر مجبور، وجہ کردے گی حیران

بڈگام: سرکاری اسکولوں میں طلباء کا رول بڑھانے کے لئے انتظامیہ نے حال ہی میں اینرول منٹ ڈرائیو چلائی۔ یہ ڈرائیو کافی حد تک کامیاب رہی۔ ماڈرن ایجوکیشن کی یقین دہانی کے بعد والدین نے بچوں کو سرکاری اسکولوں میں داخل کیا مگر آج بھی کئی ایسی اسکول ہیں جہاں پر کلاس رومز تک کی سہولت نہیں ہے۔

وسطی کشمیر کے ضلع بڈگام کا دور دراز علاقہ حیات پورہ اسکی ایک تازہ مثال ہے۔ گورنمنٹ مڈل اسکول میں کلاس روم کی سہولت نہ ہونے کی وجہ سے اب یہ بچے شمشان گھاٹ کے میدان میں students studying in Cremation ground کڑی دھوپ میں اپنی تعلیم حاصل کر رہے ہیں۔

ماڈرن وقت میں جب سرکار ماڈرن ایجوکیشن Education کی بات کر رہی ہے تو آپ سمجھ ہی گئے ہونگے کہ ان بچوں کو کس معیار کی تعلیم فراہم ہوتی ہوگی۔ اسکول میں سو سے زائد بچے ہیں مگر ان بچوں کے لئے صرف تین کلاس رومس ہیں ان تین کمروں میں بھی ایک کمرہ آفس کے لئے ہے۔

بچوں کے مطابق" کڑی دھوپ اور بارش کے وقت وہ پڑھائی سے محروم ہو کر رہ جاتے ہیں کیونکہ صرف تین کلاس رومز میں سو بچوں کی گنجائش نہیں ہے۔ "اسکول کی عمارت ایسی ہے کہ انسان کو دیکھ کر خود اندازہ ہوگا کہ بچوں کو کن مشکلات کا سامنا ہے۔

اسکول میں نہ ہی لائٹ کی فیسلٹی ہے اور نہ ہی کمپوٹر کی لیب۔ اس کے علاوہ سو بچوں کے لئے صرف پانچ پلس ایک اساتذہ ہیں ۔ اساتذہ کا کہنا ہے کہ "وہ کلاس رومز کے متبادل میدان میں تو بچوں کو پڑھا رہے ہیں مگر جس تعلیم کے وہ حقدار ہیں وہ نہیں مل پاتی ہے"۔ اس مسئلے کو لیکر جب نیوز ایٹین نے چیف ایجوکیشن افسر بڈگام سے پوچھا تو انہوں نے یقین دلایا کہ بہت جلد ان بچوں کےلئے مزید کلاس رومس فراہم کئے جائیں گے۔ (بڈگام سے عابد حسین کی رپورٹ)۔