ایم ایس دھونی دا ان ٹولڈ اسٹوری کو 4 سال مکمل، سشانت سنگھ راجپوت نے ماہی بننے کیلئے کی تھی بے حساب محنت: یہاں دیکھیں تصویریں

بالی ووڈ اداکار سشانت سنگھ راجپوت (Sushant Singh Rajput) کی موت کے دو ماہ بعد 15 اگست کو مہیندر سنگھ دھونی نے انٹرنیشنل کرکٹ سے سنیاس لےلیا تھا۔ اداکار سشانت سنگھ راجپوت کی فلم ایم ایس دھونی دی ان ٹولڈ اسٹوری (MS Dhoni The Untold Story') کو 30 ستمبر کو چار سال مکمل ہو گئے ہیں۔

واضح رہے کہ یہ فلم 30 ستمبر 2016 کو ریلیز ہوئی تھی۔ جیسا کہ فلم کے نام سے واضح ہے کہ یہ فلم ہندوستانی کرکٹ ٹیم کے سابق کپتان مہندر سنگھ دھونی پر مبنی ہے۔ وہیں سشانت سنگھ راجپوت کی اداکاری نے اس فلم میں چار چاند لگا دئے تھے۔

فلم میں سشانت نے ایم ایس دھونی کا کردار ادا کیا تھا۔ فلم کی پوری کہانی مہندر سنگھ دھونی (MS Dhoni) کے ہندوستانی کرکٹ ٹیم کے کپتان بننے کی جدوجہد کے ارد گرد گھومتی ہے۔ اس فلم میں اس بات پر روشنی ڈالی گئی ہے کہ مہندر سنگھ دھونی نے اپنی ریلوے کی ملازمت اور کرکٹ کی کی پریکٹس کے ساتھ دیگر چیزوں کے درمیان کس طرح سے محنت کرکے بازی ماری۔

ہندستان کے تجربہ کار وکٹ کیپر بلے باز مہیندر سنگھ دھونی (MS Dhoni) کے ہیلی کاپٹر شاٹ کا مرید ان کا ہر ایک مداح ہے لیکن ٹیم انڈیا کا یہ سابق کپتان بالی ووڈ اداکار سشانت سنگھ راجپوت (Sushant Singh Rajput)کے ہیلی کاپٹر شاٹ کو دیکھ کر چونک گیا تھا۔ سشانت نے 2016 میں دھونی کی بایو پک ای ایس دھونی ڈا ان ٹولڈ اسٹوری میں ان کے کردار کو پڑے پردے اتارا تھا۔

بتادیں کہ سشانت سنگھ راجپوت(Sushant Singh Rajput) نے فلم (MS Dhoni The Untold Story') کیلئے بے حساب محنت کی تھی۔ اپنے لک سے لیکر دھونی کی طرح کرکٹ کھیلنے کے انداز کو انہوں نے بخوبی کاپی کیا تھا۔ ان کی محنت کی وجہ سے ہی یہ فلم بلاک بسٹر ہٹ (blockbuster) رہی تھی۔ (تصویر: ٹویٹر)