ایک فلاپ فلم سے چمک گئی اس اداکارہ کی قسمت، بن گئی کروڑوں کی مالکن، پل بھر میں بدل گیا سب کچھ

نئی دہلی : دیویا کھوسلہ کمار نے 18 سال کی عمر میں ماڈلنگ شروع کی اور 20 سال کی عمر میں ممبئی آگئیں ، جہاں انہیں بالی ووڈ میں بریک ملا اور جہاں ان کی ملاقات بھوشن کمار سے بھی ہوئی ۔ انہوں نے اودے کرن کے ساتھ 2004 میں تیلگو فلم لو ٹوڈے کے ساتھ اداکارہ کے طور پر اپنا کریئر شروع کیا تھا ۔

ہھر سال 2004 میں وہ فالگنی پاٹھک کے ذریعہ گائے گئے پاپ گیت 'اییو راما' کے ایک ویڈیو میں بھی نظر آئیں اور اسی سال انہوں نے فلم 'اب تمہارے حوالے وطن ساتھیو' سے بالی ووڈ میں قدم رکھا تھا ۔ اس فلم میں وہ اکشے کمار اور بابی دیول کے ساتھ نظر آئی تھیں ۔ حالانکہ ان کی پہلی ہی فلم باکس آفس پر فلاپ ہوگئی تھی ۔

اب یہاں سے دیویا کی زندگی بدلنے والی تھی ۔ میڈیا رپورٹس کے مطابق اسی فلم کے دوران ٹی سیریز کے مالک بھوشن کمار کی ملاقات دیویا کھوسلہ سے ہوئی تھی اور پھر دونوں کے درمیان قربتیں بڑھنے لگی تھیں ۔ دونوں کے درمیان فون پر بات چیت ہونے لگی اور پھر 2005 میں دونوں نے شادی کرلی ۔

تو ایسے ہی ایک فلاپ فلم سے دیویا کی قسمت کھل گئی ۔ انہیں ان کا پیار اور ہمسفر مل گیا۔ بتادیں کہ شادی کے 18 سال بعد بھی دونوں کی کیمسٹری قابل دید ہے ۔ دیویا آئے دن اپنے سوشل نیٹ ورکنگ سائٹ پر بھوشن کے ساتھ اپنی تصویریں بھی شیئر کرتی رہتی ہیں ۔

ویسے دیویا ان دنوں لگاتار ویڈیو ایلبم میں اداکاری کرتی نظر آرہی ہیں اور اس میں انہیں کامیابی بھی مل رہی ہے ۔ وہیں حال ہی میں انہوں نے ستیہ میو جیتے 2 سے فلموں میں واپسی کرنے کی کوشش ضرورکی، لیکن اس میں بھی انہیں کامیابی نہیں ملی ۔ اس فلم میں وہ جان ابراہم کے ساتھ نظر آئیں تھی، جو باکس آفس پر فلاپ ثابت ہوئی تھی ۔