سشانت سنگھ راجپوت کو پرینیتی چوپڑا نے کردیا تھا ریجیکٹ ، فلم سے کرادیا تھا باہر!

بالی ووڈ اداکارہ پرینیتی چوپڑا کسی بھی ٹی وی اداکار کے ساتھ کام کرنا نہیں چاہتی تھیں ۔ یہی وجہ ہے کہ سشانت سنگھ راجپوت کو ہنسی تو پھنسی سے ہٹا دیا گیا تھا ۔ یہ بات ڈائریکٹر انوراگ کشیپ نے حالیہ ٹویٹ میں کہی ۔

انہوں نے کہا کہ ان کی پروڈکشن کمپنی فینٹم نے سشانت سے ہنسی تو پھنسی میں اداکاری کرنے کی بات کی تھی ۔ پھر پرپوزل پرینیتی چوپڑا کو بھیجا گیا ، لیکن اداکارہ کسی بھی ٹی وی اداکار کے ساتھ کام کرنے کیلئے تیار نہیں تھیں ۔ وہ سشانت کے ساتھ کام نہیں کرنا چاہتی تھیں ۔

انوراگ کیشپ کے مطابق انہوں نے پرینیتی کو سمجھانے کی کافی کوشش کی ، لیکن سب ناکام رہے ۔ کشیپ نے کہا کہ سشانت کائے پو چھے کی شوٹنگ سے فری ہی ہوئے تھے ۔ فلم کی کافی چرچا تھی ۔ سشانت بالی ووڈ ایکٹر کے طور پر خود کو ثابت کررہے تھے ، لیکن پرینیتی نے نہیں سنی ۔

اس درمیان سشانت کو یش راج فلمس سے ایک پرپوزل ملا اور وہاں گئے ۔ انہوں نے شدھ دیسی رومانس میں پرینیتی چوپڑا کے ساتھ اداکاری کی ۔ اس سے پہلے سشانت پرینیتی سے بات چیت بند کرچکے تھے ۔ حالانکہ یہ سچ ہے کہ یش راج کی پیشکش کے آگے دونوں جھکے ۔

انوراگ نے آگے لکھا کہ سشانت نے اپنی ایجنسی کو درمیان میں سے بدل دیا تھا ۔ تب بھی انوراگ کشیپ سشانت کے ساتھ کام کرنا چاہتے تھے ۔

انہوں نے ایک پرپوزل کاسٹنگ ڈائریکٹر کے توسط سے بھی بھیجا ، لیکن تب سشانت کی جانب سے کوئی جواب نہیں آیا ۔ حالانکہ اب سشانت ہمارے درمیان نہیں ہیں ۔