نریندر مودی کے وزیر بابل سپریو نے رچائی رچنا شرما کے ساتھ شادی: دیکھیں تصویریں

مرکزی وزیر بابل سپریو اور ان کی ایئرہوسٹس گرل فرینڈ رچنا شرما شادی کے بندھن میں بندھ چکے ہیں۔ اس شادی میں گواہ بننے وزیر اعظم نریندر مودی بھی پہنچے۔ بابل سپریو کی شادی میں شرکت کے لئے سیاسی، فلمی اور موسیقی کی دنیا کی شخصیتیں پہنچیں۔ مرکزی حکومت میں منسٹر آف اسٹیٹ اور بنگال سے بی جے پی رکن پارلیمنٹ بابل سپریو کی دوسری شادی میں آشیرواد دینے نائب صدر حامد انصاری بھی پہنچے۔ دہلی کے ایک ہوٹل میں منعقد شادی کی تقریب میں کئی بالی ووڈ ستاروں نے بھی شرکت کی۔ 45 سال کے بابل کی یہ دوسری شادی ہے۔ اس سے وہ ریا سے 11 سال پرانی شادی کا رشتہ توڑ چکے ہیں۔ بابل کی 14 سالہ بیٹی بھی ہے۔

مرکزی وزیر بابل سپریو کی شادی کی رسوم منگل کو ان کے سرکاری بنگلے پر ہلدی- مہندی کی رسم سے ہوئی، وہیں دہلی کے ایک ہوٹل میں بابل نے اپنی منگیتر رچنا شرما سے شادی کے سات پھیرے لئے۔ شادی بنگالی رسم و رواج سے ہوئی۔

اس شادی میں گواہ بننے وزیر اعظم نریندر مودی کے ساتھ ساتھ بی جے پی سے لال کرشن اڈوانی، بی جے پی صدر امت شاہ، مرکزی وزیر اننت کمار اور جتندر سنگھ بھی پہنچے۔

بابل سپریو کو شادی کی مبارک باد دینے کے لئے کانگریس کے جنرل سکریٹری دگ وجے سنگھ، ششی تھرور، سنگر دوست شان اور انو مالک کے علاوہ کئی بڑی نامی ہستیاں بھی تقریب میں موجود رہیں۔

خود چائے اور پان کھانے کے شوقین بابل نے مہمانوں کے لئے کولکتہ سے مشہور شمبھو پان والے اور سریش چائے والے کو بلایا تھا۔ شادی میں آنے والے مہمانوں کو خاص بنگالی ڈش پروسی گئی۔ اس میں اسپیشل رائس اور مچھلی شامل تھی۔ نان ویج ڈش میں جھینگا فرائی اور مٹن بھی شامل تھا۔ اس کے لئے 2 ٹب چھینگا مچھلی منگوائی گئی تھی۔

بابل سپریو بالی ووڈ فلموں میں کئی مشہور گانے گا چکے ہیں۔ برسات فلم کا ... آئے گا مزہ اب برسات کا گیت ہو یا پھر وعدہ فلم کا میں عشق اس کا ... وہ عاشق ہے میری، گناہ فلم کا گیت ہم نے تم کو دل دے دیا .... جینا صرف میرے لئے وغیرہ گانے گا چکے ہیں۔

بابل سپریو اور رچنا شرما نے دو ماہ پہلے ہی بہت سادہ انداز میں منگنی کی تھی۔ رکن پارلیمنٹ بابل سپریو اور ائیرہوسٹس رچنا شرما کی لو اسٹوری بالی ووڈ فلم کی کہانی جیسی ہے۔

بابل سپریو پہلے ہی اپنی لوا سٹوری بتا چکے ہیں۔ بابل نے بتایا کہ وہ جیٹ ایئر ویز کی پرواز سے کولکتہ سے دہلی آ رہے تھے۔ بابا رام دیو سے سیاست کو لے کر بات چل رہی تھی۔ وہاں موجود ایئر ہوسٹس رچنا نے اچانک کہا کہ ٹکٹ ملا تو آپ جیت جاؤ گے۔

بابل کہتے ہیں کہ پہلی ہی نظر میں رچنا نے مجھے اپنی طرف متوجہ کیا۔ شاید یہی پہلی نظر کا پیار تھا۔ اس کے بعد میں نے ان سے ان کا نمبر مانگا تو رچنا نے مجھے ایک نمبر دیا۔ پہلے تو مجھے لگا کہ انہوں نے مجھے بیوقوف بنایا ہے۔ پھر اس نمبر کو میں نے قلم سے کاٹ دیا۔

اس کے بعد میں نے رچنا سے کہا کہ پلیز اپنا صحیح والا نمبر دیجئے۔ تب رچنا نے صحیح نمبر دیا۔ اس کے بعد تو جیسے کولکتہ سے دہلی آنے والی پرواز میں ملی ائیرہوسٹس کی خوبصورتی پر بابل ایسے فدا ہوئے کہ بار بار جیٹ ایئر ویز کا ٹکٹ لے کر ہوائی سفر کی لت لگ گئی۔

رچنا کو متاثر کرنے کے لئے بابل نے وہاٹس ایپ پر انہیں ڈھیروں گیت بھیجے۔ تب جاکر پیار پروان چڑھا اور یہ اب سات پھیرے لے کر شادی کے بندھن میں بندھ چکا ہے

بتا دیں کہ رچنا شرما بنیادی طور پر پنجاب کی رہنے والی ہیں۔ دہلی میں رہنے والی رچنا شرما جالندھر سے ہیں۔ ان کا خاندان گزشتہ دو سال سے مغربی بنگال میں رہ رہا ہے۔

بابل نے بتایا کہ کافی التجا کرنے کے بعد رچنا میرے ساتھ ایک بار کافی پینے گئی۔ انہوں نے کہا کہ پہلے تو رچنا مجھے ذرا سا بھی لفٹ نہیں دے رہی تھی، لیکن پھر بعد میں ہماری لو اسٹوری چل پڑی۔

بابل سپریو بالی ووڈ کے پلے بیک سنگر بھی ہیں۔ انہوں نے اپنی لو اسٹوری کو منزل تک پہنچانے میں اپنے گانے کے ہنر کا کافی استعمال کیا ہے۔

بابل رچنا شرما کو ہر دن ریکارڈ کر گانے بھیجتے تھے۔ 40 دنوں تک روزانہ گانے لکھ کر بابل نے انہیں متاثر کیا تھا۔ آخر کار پیار بھری گیتوں نے رچنا پر جادو کیا اور وہ بھی بابل کو دل دے بیٹھیں۔

بابل سپریو کی یہ دوسری شادی ہے۔ پہلی شادی ریا کے ساتھ 1995 میں ہوئی تھی۔ لیکن 2006 میں ان کا طلاق ہو گیا تھا۔ ریا اور سپریو کی ملاقات شاہ رخ خان کے ایک پروگرام میں ٹورنٹو میں ہوئی تھی۔ دونوں کی ایک بیٹی ہے، اس کا نام شرمیلی ہے۔

بابل اپنی شادی سادگی سے کرنا چاہتے تھے اس لئے باہر سے آنے والے اپنے مہمانوں کو دہلی میں ٹھہرانے کے لئے انہوں نے کسی فائیو اسٹار کی بجائے نئے ونگ بھون کو پسند کیا۔

اب بابل کو 14 کمروں کی ضرورت تھی۔ بکنگ کی کوشش کرنے پر اطلاع ملی کہ 14 کمرے ایک ساتھ کسی ایک ایم پی کے نام پر نہیں بک ہو سکتے۔ ایسے میں بابل پریشان تھے۔

بنگال میں اپنے سیاسی اختلافات کو بھلا کر بابل نے بنگال کی وزیر اعلی ممتا بنرجی کو اپنے موبائل سے ایک میسج بھیج کر مدد مانگی۔ ممتا نے بابل کو فون کر کہا کہ آپ کے لئے 14 کمرے بک ہو جائیں گے اور اس کا بل آپ کو نہیں دینا ہے، یہ میری طرف سے آپ کو شادی کا گفٹ ہے۔ (سبھی تصویریں ای ٹی وی بنگلہ اور نیوز ۱۸سے لی گئی ہیں)۔)