Birthday Special : بالی ووڈ اداکارہ شلپا شیٹی ساوتھ سنیما میں بھی مچا چکی ہیں دھمال، کیا آپ نے دیکھی ہیں یہ چھ فلمیں؟

شلپا شیٹھی ایک اچھی اداکارہ ہونے کے ساتھ ساتھ ایک بہترین بیوی اور ماں بھی ہیں۔ شلپا 8 جون کو اپنی 47 ویں سالگرہ منانے جارہی ہیں ۔ ماڈلنگ کی دنیا سے اپنا کیرئیر بنانے والی شلپا شیٹی نے 22 نومبر 2009 کو راج کندرا سے شادی کی تھی ۔ اداکارہ شلپا شیٹھی بالی ووڈ کے ساتھ ساتھ جنوبی ہند کی فلموں میں بھی کام کرچکی ہیں ۔ شلپا شیٹی نے تمل، تیلگو اور کنڑ فلموں میں کام کیا ہے۔

سال 1996 میں شلپا شیٹی کی فلم مسٹر رومیو ریلیز ہوئی تھی، جس کو کافی اچھا ردعمل ملا تھا ۔ اس تمل فلم میں لیڈ رول میں پربھو دیوا نظر آئے تھے ۔ شلپا اور پربھو کی کیمسٹری کو کافی پسند کیا گیا تھا ۔

سال 1996 میں شلپا شیٹی نے تیلگو سنیما میں بھی ڈیبیو کیا تھا ۔ سپر اسٹار وینکٹیش کے ساتھ وہ سہسا ویروڈو ساگرا کنیا فلم میں نظر آئی تھیں ۔

شلپا شیٹی کی ایک اور تیلگو فلم ویدوداندی بابو سال 1997 میں ریلیز ہوئی تھی ۔ یہ فلم ایک تمل فلم کا ریمیک تھی ، جو بالی ووڈ کی بلاک بسٹر فلم انداز اپنا اپنا سے انسپائرڈ تھی ۔

سال 1998 میں ریلیز ہوئی کنڑ فلم میں شلپا شیٹی کے ساتھ داکارہ روی چندرن نظر آئے تھے ۔ اس فلم کے گانے کافی سپر ہٹ ہوئے تھے ۔

سال 2000 میں ناگارجن ، سوندریہ اور شلپا شیٹی کی فلم آزاد ریلیز ہوئی تھی ، جس کو شائقین نے کافی پسند کیا تھا ۔ اس میں شلپا کے کردار کو کافی پسند کیا گیا تھا ۔

سال 2005 میں راج کندرا کی اہلیہ شلپا شیٹی ایک مرتبہ پھر ساوتھ انڈین فلم میں نظر آئی تھیں ، جس کا نام تھا آٹو شنکر ۔ اس کنڑ فلم میں اوپیندر راو نظر آئے تھے ۔