29سال سے کیوں سلمان خان کے ساتھ کام نہیں کر رہے عامر خان؟ کیوں بنائی دوری، جانئے کیا ہے وجہ

نئی دہلی: سال 1994 میں ایک فلم آئی تھی جس کا نام تھا 'انداز اپنا اپنا (Andaz Apna Apna)'۔ یہ اس دور کی ایک شاندار اور زبردست کامیڈی فلم تھی لیکن اس فلم میں کام کرنے والے تمام اہم اداکار سلمان خان (Salman Khan)، عامر خان (Aamir Khan) ، کرشمہ کپور اور روینہ ٹنڈن نے پوری شوٹنگ آپسی رشہ کشی کے درمیان پوری کی تھی۔

میڈیا رپورٹس کے مطابق تو سلمان خان اس فلم کے دوران کافی ٹشن میں رہتے تھے اور اسی وجہ سے وہ شوٹنگ سیٹ پر گھنٹوں دیر سے آتے تھے۔ فلم کی شوٹنگ کے دوران سلمان کی وجہ سے عامر کو بھی کافی دیر انتظار کرنا پڑتا تھا جب کہ عامر وقت کے بہت پابند تھے۔ سلمان کے سیٹ پر دیر سے پہنچنے کی وجہ سے عامر کو کافی پریشانی کا سامنا کرنا پڑتا تھا۔

یہی وجہ تھی کہ فلم کی شوٹنگ مکمل ہونے کے بعد عامر نے فیصلہ کیا تھا کہ وہ سلمان خان کے آگے کام نہیں کریں گے اور ایسا ہی ہوا، اس فلم کے بعد سلمان اور عامر کبھی بھی اسکرین پر ایک ساتھ نظر نہیں آئے۔ دوسری جانب فلم کی مرکزی اداکارہ کرشمہ اور روینہ کے درمیان جھگڑا ہوگیا جس کی وجہ سے انہوں نے سیٹ پر ایک دوسرے سے بات بھی نہیں کرتی تھیں۔

ایک بار ہندوستان ٹائم کے ساتھ بات چیت میں روینہ ٹنڈن نے کہا تھا، 'یہ مزیدار تھا، کیونکہ جب ہم شوٹنگ کر رہے تھے، ہم میں سے کوئی ایک دوسرے سے بات نہیں کر رہا تھا۔ سب کی لڑائیاں جاری تھیں۔ عامر اور سلمان ایک دوسرے سے بات نہیں کر رہے تھے، کرشمہ اور میں بات نہیں کر رہے تھے اور نہ ہی سلمان اور راج جی (فلم کے ڈائریکٹر راجکمار سنتوشی)۔ مجھے نہیں معلوم کہ یہ فلم کیسے بنی۔ لیکن، یہ ظاہر کرتا ہے کہ ہم بہت اچھے اداکار ہیں۔

آپ کو بتا دیں، عامر خان کو آخری بار اپنی فلم 'لال سنگھ چڈھا' میں دیکھا گیا تھا، جس میں ان کے ساتھ کرینہ کپور نظر آئی تھیں، حالانکہ یہ فلم باکس آفس پر کامیاب ثابت نہیں ہو سکی تھی۔ دوسری جانب سلمان خان ان دنوں اپنی سب سے زیادہ منتظر فلم 'کسی کا بھائی کسی کی جان' میں مصروف ہیں۔ یہ فلم اگلے ماہ کی 21 تاریخ کو ریلیز ہو رہی ہے۔