کرتی سینن کا Body Shaming پر چھلکا درد، اداکارہ نے کہا : 'پلاسٹک کی گڑیا نہیں ہوں!'

کرتی سینن کا شمار بالی ووڈ کی سب سے کامیاب اداکاراوں میں ہوتا ہے ۔ انہوں نے پچھلے سال فلم میمی میں اپنی شاندار پرفارمنس سے ناظرین کو مدہوش کردیا تھا اور اس سال ان کی پانچ فلمیں ریلیز ہونے والی ہیں ۔ کرتی سینن نے ایک انٹرویو میں اس دور کو یاد کیا ، جب وہ باڈی شیمنگ کا شکار ہوئی تھیں اور ان کے لکس کی تنقید کی گئی تھی ۔ (Instagram/kritisanon)

کرتی سینن نے بالی ووڈ ببل سے بات چیت کرتے ہوئے کہا کہ ایک وقت تھا، جب مجھ سے کہا گیا کہ میں اپنے ہونٹوں کو فلر لک دینے کیلئے کچھ کروں ۔ یہ مجھے سمجھ میں نہیں آیا ۔ مجھے یہ بھی بتایا گیا کہ جب میں مسکراتی ہوں تو میری ناک تھوڑی پھول جاتی ہے ۔ میں مسکراتی ہوں یا ہنستی ہوں تو وہ کبھی بھی ایسا کہتے ہیں ، لیکن یہ نارمل بات ہے ۔ میں پلاسٹک کی گڑیا نہیں ہوں ۔ لوگوں نے مجھ سے کہا کہ مسکراتے وقت آپ کے مسوڑھے نظر آتے ہیں ۔ تصویر : Instagram@kritisanon

کرتی سینن نے مزید کہتی ہیں کہ میں جس خصوصیات کے ساتھ پیدا ہوئی ہوں ، اس کے بارے میں کچھ نہیں کرسکتی ۔ یہ چھوٹی چھوٹی باتیں ہیں ، جس کو لوگ سیدھے سیدھے نہیں کہتے ۔ تصویر : Instagram@kritisanon

انہوں نے کہا کہ مجھے ایسا لگتا ہے کہ یہ باتیں ہرکوئی سنتا ہے ۔ کسی نے مجھ سے کہا تھا کہ اب اس طرح کا دباو نہیں ہے ، لیکن مجھے لگتا ہے کہ انسٹاگرام فلٹر کی وجہ سے یہ دباو بڑھ رہا ہے ۔ ہر کوئی ہر وقت پرفیکٹ رہنا چاہتا ہے ۔ تصویر : Instagram@kritisanon

انوکھی بات یہ ہے کہ کرتی کو اپنی کمر کا سائز کم کرنے کیلئے بھی کہا گیا ۔ وہ کہتی ہیں کہ میں ان سب چیزوں سے گزری ہوں ، کئی باتیں سنی ہیں ، کسی نے مجھ کو اپنی کمر تھوڑی اور اندر کرنے کیلئے کہا ۔ تصویر : Instagram@kritisanon

اداکارہ کا کہنا تھا کہ کبھی کبھی لوگ بلا وجہ بھی باتیں کہتے ہیں ۔ آپ کو طے کرنا ہوگا کہ آپ ہر کسی کی باتیں نہیں سنیں گے ۔ تصویر : Instagram@kritisanon

وہیں ورک فرنٹ کی بات کریں تو سال 2022 میں کرتی سینن کے پاس کئی دلچسپ فلمیں ہیں ۔ تصویر : Instagram@kritisanon

کرتی سینن ، اکشے کمار کے ساتھ ایکشن کامیڈی بچن پانڈے ، پربھاس کے ساتھ آدی پروش ، کارتک آرین کے ساتھ شہزادہ ، ورون دھون کے ساتھ بھیڑیا اور ٹائیگر شراف کے ساتھ ایکشن تھریلر گن پتھ میں نظر آئیں گی ۔ تصویر : Instagram@kritisanon