پاکستان سے بڑی مشکل سے بیٹی کو ہندوستان لائی، بدلا اس کا نام، دل چھولے گی اس مشہور اداکارہ کی کہانی
70-80 کی دہائی کی مشہور اداکارہ رینا رائے (Reena Roy) کی زندگی کافی مشکلات سے بھری رہی ہے ۔ ایک زمانے میں وہ پاکستانی کرکٹر محسن خان سے شادی کے بعد پاکستان چلی گئی تھیں، جہاں دونوں کی ایک بیٹی بھی ہوئی، جس کا نام 'جنت' رکھا گیا تھا ۔ تاہم جب شادی کے 7 سال بعد دونوں کے درمیان طلاق ہوگئی تو رینا واپس ہندوستان لوٹ آئیں۔
نئی دہلی : رینا رائے اپنے وقت کی مشہور بالی ووڈ اداکارہ ہوا کرتی تھیں۔ جب وہ اپنے کیرئیر کے شباب پر تھیں تب انہوں نے پاکستانی کرکٹر محسن خان سے شادی کرلی تھی ۔ حالانکہ محسن پاکستان کے اسٹار بلے بازوں میں سے ایک تھے ، مگر کرکٹ سے زیادہ رینا رائے کو لے کر وہ موضوع بحث بنے رہتے تھے۔ ایک دن محسن نے بھی کرکٹ کو الوداع کہہ کر بالی ووڈ میں اپنا کیرئیر بنانا شروع کردیا تھا ۔ یہ سب باتیں 1990 سے پہلے کی ہیں۔ Instagram @reenaroy_mylove
کئی میڈیا رپورٹس میں بتایا گیا ہے کہ بیٹی کی تحویل حاصل کرنے کے لیے رینا کو کافی مشقت کرنی پڑی۔ رینا اپنی بیٹی کو ہر قیمت پر اپنے ساتھ رکھنا چاہتی تھیں۔ اپنے ایک انٹرویو میں انہوں نے بتایا تھا کہ وہ اپنی بیٹی کو حاصل کرنے کے لیے سادھو سنتوں سے بھی ملتی تھیں۔ وہ جو بھی کہتے تھے ، رینا کرتی تھیں۔Instagram @reenaroy_mylove
آخر کار رینا کو اپنی بیٹی کی تحویل مل گئی اور پھر انہوں نے اپنی بیٹی کا نام جنت سے بدل کر صنم رکھ دیا۔ ان تمام باتوں کے بعد جب رینا نے بالی ووڈ میں واپسی کرنے کی کوشش کی تو انہیں کامیابی نہیں ملی اور پھر انہوں نے اپنی بیٹی صنم کے ساتھ ممبئی میں ہی اداکاری کی کلاسیں شروع کر دیں اور خود کو بالی ووڈ سے دور کر لیا ۔ Instagram @reenaroy_mylove
بتا دیں کہ رینا رائے کا نام بھی تین مرتبہ بدل چکا ہے۔ رینا کا پہلا نام سائرہ علی تھا لیکن جب رینا کی والدہ اور ان کے والد میں الگ ہوئے تو ان کی والدہ نے ان کا نام روپا رائے رکھ دیا اور جب انہوں نے بالی ووڈ میں ڈیبیو کیا تب ان کا نام روپا سے بدل کر رینا رائے رکھ دیا گیا تھا۔ Instagram @reenaroy_mylove