سورا بھاسکر اور فہد کی شادی تقریب میں راہل گاندھی اور کیجریوال نے کی شرکت، قوالی نائٹ میں نظر آئے اکھلیش یادو، بریلی میں ہوگادعوت ولیمہ

سوارا بھاسکر اور فہد احمد نے 16 فروری کو اپنی شادی کی اطلاع دی تھی۔ اس کے بعد گزشتہ ایک ہفتے سے شادی کی کئی رسومات چل رہی تھیں۔ اسی سلسلے میں جمعرات کو دوستوں کے لیے ایک استقبالیہ کا انعقاد کیا گیا تھا۔

بالی ووڈ اداکارہ سوارا بھاسکر نے جمعرات کو دہلی میں ایس پی لیڈر فہد خان سے روایتی انداز میں شادی کرلی۔ یہ شادی دہلی کے فارم ہاؤس میں ہوئی۔ اس تقریب میں کانگریس لیڈر راہل گاندھی نے بھی شرکت کی۔

دہلی کے وزیر اعلی اروند کیجریوال نے بھی دونوں کو مبارکباد دی۔

قوالی نائٹ کے دوران سماج وادی پارٹی کے لیڈر اکھلیش یادو بھی خصوصی طور پر پہنچے تھے۔ تصاویر شیئر کرتے ہوئے سوارا نے انہیں 'شکریہ ' کہا ہے۔ فہد، سوارا اور اکھلیش قوالی نائٹ سے لطف اندوز ہوتے نظر آئے۔

شادی کے ولیمے سے ایک دن قبل شادی کی تقریب کے دوران قوالی نائٹ کا بھی اہتمام کیا گیا تھا۔ سوارا نے اس بارے میں کئی تصاویر بھی شیئر کی تھیں اور ساتھ ہی لکھا تھا، 'یہ جو ہلکا ہلکا سروور ہے'۔ بتا دیں کہ سورا اور فہد کی شادی کا دوسرا فنکشن 19 مارچ کو بریلی میں ہوگا۔

سوارا شادی سے متعلق ہر تقریب کے لیے مختلف لباس آزما رہی ہیں۔ کبھی ساڑھی، کبھی سوٹ اور کبھی لہنگا۔ سوارا نے استقبالیہ کے لیے بھاری کام کا لہنگا پہنا تھا۔ وہ کھلے بالوں کے انداز سے بہت خوبصورت لگ رہی تھی۔

جہاں سورا نے ایک خوبصورت لہنگا پہنا ہوا تھا۔ وہیں فہد احمد نے گولڈن ورک والی شیروانی پہن رکھی تھی۔ دونوں کی ایک ساتھ تصاویر سوشل میڈیا پر وائرل ہو رہی ہیں۔

سورا بھاسکر نے اپنے سوشل میادیا اکاؤنٹ پر شادی سے جڑی کئی تصاویر شیئر کی ہیں۔ ان میں سے ایک تصویر میں فہد انہین چومتے ہوئے نظر آ رہے ہیں۔ شادی کی ان تصاویر پر دونوں کے دوست مسلسل تبصرے کر رہے ہیں۔