کسی نے بیوی کو چھوڑا تو کسی کو ڈھلتی عمر میں پسند آیا لیو ان ریلیشن شپ، ایک اداکار تو شادی کئے بغیر ہی بن گیا باپ، جانئے اداکاروں کی کچھ دلچسپ کہانیاں

نئی دہلی : بالی ووڈ کے کئی ستارے شادی اور طلاق کے بعد بھی اپنے معاشقہ کی وجہ سے سرخیوں میں رہے ہیں ۔ کچھ ستاروں نے پہلی بیویوں کو طلاق دینے کے بعد گرل فرینڈ کے ساتھ رہنا بھی شروع کردیا تھا ۔ انہیں عوامی مقامات پر بھی اپنی گرل فرینڈ کے ساتھ پیار کا اظہار کرنے میں کوئی جھجھک نہیں ہوتی ہے ۔ ان ستاروں نے ڈھلتی عمر میں لیو ان ریلیشن شپ کو اپنا کر بالی ووڈ میں نئی روایت کو فروغ دیا ہے۔

ارباز خان کا ملائیکہ اروڑہ سے شادی کے 19 سال بعد طلاق ہوگیا تھا ۔ دونوں اپنے رشتے سے خوش نہیں تھے ۔ طلاق کے بعد جہاں ملائیکہ نے ارجن کپور کا ہاتھ تھام لیا تو وہیں 55 سال کے ارباز نے 33 سال کی جارجیا کو اپنی زندگی میں جگہ دی ۔ خبروں کی مانیں تو ارباز اور جارجیا لیو ان ریلیشن شپ میں ہیں ۔

سیف علی خان نے 2012 میں کرینہ کپور سے شادی کرنے سے پہلے وہ ان کے ساتھ لیو ان ریلیشن شپ میں رہے تھے ۔ 52 سال کے سیف کے پہلی شادی سے دو بچے ہیں ۔ سارا علی خان اور ابراہیم علی خان ۔ کرینہ نے 13 سال بڑے سیف کو اپنا ہمسفر بنایا ۔ ان کے آج دو بچے ہیں ۔

فرحان اختر نے بالی ووڈ میں اپنے کریئر کی شروعات میں ہی شادی کرلی تھی ۔ ان کے پاس پہلی اہلیہ سے دو بیٹیاں ہیں ۔ 49 سال کے فرحان نے 2022 میں شیبانی ڈانڈیکر سے شادی کرنے سے پہلے ان کے ساتھ کئی سال لیو ان ریلیشن شپ میں گزارے تھے ۔

عامر خان کے پاس پہلی اہلیہ رینا دتہ سے دو بچے ہیں ۔ رینا سے طلاق کے بعد عامر نے کرن راو کو ڈیٹ کیا اور ان کے ساتھ لیو ان ریلیشن شپ میں رہے ۔ وہ کرن راو سے شادی کے بعد بیٹے آزاد راو کے والد بنے ۔ حالانکہ اب کرن راو اور عامر خان بھی الگ ہوچکے ہیں ۔

ارجن رامپال اہلیہ میہر جیسیا کو طلاق دئے بغیر ہی گرل فرینڈ گیبریئل کے ساتھ رہنے لگے تھے ۔ ارجن سے شادی کئے بغیر ہی گیبریئل ان کے بچے کی ماں بن گئی تھیں ۔ دونوں ساتھ رہتے ہیں ۔