سنگر ہنی سنگھ کے پاس ہے کروڑوں کی املاک ، بیوی شالنی تلوار نے معاوضہ میں مانگی اتنی بڑی رقم

سنگر ریپر ہنی سنگھ کی بیوی شالنی تلوار نے سنگین الزامات عائد کرتے ہوئے شوہر ، ان کے ماں باپ اور چھوٹی بہن کے خلاف دہلی کی تیس ہزاری کورٹ میں عرضی داخل کی ہے ۔ شالنی کا الزام ہے کہ ان پر گھریلو تشدد کیا گیا ہے ۔ انہوں نے اپنی عرضی میں کہا کہ شادی کے بعد سے مسلسل وہ گھریلو تشدد کا شکار ہورہی ہیں ۔ لاکھوں دلوں پر راج کرنے والے ہنی سنگھ کروڑوں کی املاک کے مالک ہیں ۔ ان کی اہلیہ نے معاوضہ کے طور پر موٹی رقم کا مطالبہ کیا ہے ۔ تصویر : @yoyohoneysingh/sheenz_t/Instagarm

یویو ہنی سنگھ کو شاید یہ اندازہ نہیں تھا کہ اہلیہ شالنی تلوار شادی کے دس سال بعد اپنی خاموشی توڑ دیں گی اور وہ راز دنیا کے سامنے آجائے گا جو ابھی تک صرف راز ہی تھا ۔ تصویر : @yoyohoneysingh/sheenz_t/Instagarm

امیر ریپرس میں ہنی سنگھ کا نام سب سے اوپر ہے ۔ مختلف میڈیا رپورٹس کے مطابق ہنی سنگھ تقریبا 173 کروڑ روپے کی املاک کے مالک ہیں ۔ تصویر : @yoyohoneysingh/Instagarm

ہنی سنگھ ہر سال تقریبا 42 کروڑ روپے کی کمائی کرتے ہیں ۔ عرضی میں ان کی اہلیہ نے بھی دعوی کیا ہے کہ وہ اپنے شوز سے کروڑوں کماتے ہیں ۔ تصویر : @yoyohoneysingh/Instagarm

میڈیا رپورٹس کے مطابق ہنی سنگھ کے پاس 25 ملین یو ایس ڈالر کی املاک ہیں ۔ یعنی اگر ہندوستانی کرنسی میں اندازہ لگایا جائے تو تقریبا 173 کروڑ کی املاک کے وہ مالک ہیں ۔ ہنی کے پاس ملک کے الگ الگ حصوں میں گھر ہیں ۔ تصویر : @yoyohoneysingh/Instagarm

ہنی سنگھ ایک گانا گانے کیلئے 15 لاکھ روپے کی موٹی فیس لیتے ہیں ۔ ریپر ملک کے سب سے زیادہ ٹیکس دینے والے لوگوں میں شامل ہیں ۔ ان کو گاڑیوں کا بھی شوق ہے اور کئی مہنگی مہنگی گاڑیاں ان کے پاس ہیں ۔ تصویر : @yoyohoneysingh/Instagarm

شالنی تلوار نے عدالت میں 160 صفحات پر مشتمل اپنی عرضی میں ہنی سنگھ اور تین دیگر لوگوں کے خلاف الزامات لگائے ہیں اور ساتھ ہی معاوضہ کا مطالبہ کیا ہے ۔ تصویر : @sheenz_t/Instagarm

شالنی نے مطالبہ کیا ہے کہ دہلی کے جس علاقہ میں وہ رہ رہی ہیں ، اس گھر کا کرایہ پانچ لاکھ ہے ۔ ان کا مطالبہ ہے کہ ہنی سنگھ اس رقم کو انہیں دیں ۔ اس کے ساتھ انہوں نے اپنے زیورات کی ایک طویل فہرست بھی دی ہے ۔ ساتھ ہی عبوری معاوضہ کے طور پر انہوں نے دس کروڑ روپے کا مطالبہ کیا ہے ۔ تصویر : @sheenz_t/Instagarm

آپ کو بتادیں کہ شالنی تلوار کے ذریعہ گھریلو تشدد کا معاملہ درج کرائے جانے کے بعد عدالت نے یو یو ہنی سنگھ کو 28 اگست تک جواب داخل کرنے کیلئے نوٹس جاری کیا ہے ۔ تصویر : @yoyohoneysingh/Instagarm